E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Korrupsioni me targat e makinave/ Në pranga dy persona

27 Shtator 2018, 17:50, Aktualitet CNA

Dy persona janë arrestuar nga policia, për korrupsion me targat e makinave. Në pranga ranë Arjan Elezi, specialist targash dhe sekseri Sefer Myftari.

Sipas policisë, të arrestuarit i kanë kërkuar një shtetasi 50.000 lekë të reja, në këmbim të pajisjes së automjetit me targë me numra të njëjtë.

Materialet proceduriale i kaluan Prokurorisë së Tiranës për veprat penale ? ?Korrupsioni pasiv i personave që ushtrojnë funksione publike? dhe ?Ushtrimi i ndikimit të paligjshëm ndaj personave që ushtrojnë funksione publike?.

Komunikata e plotë

Opercioni policor i koduar ?Targa e bukur? nga Seksioni për Hetimin e Korrupsionit në bashkëpunim me Prokurorinë e Rrethit Gjyqësor Tiranë.

Në pranga Specialisti i Rregjistrimit të Mjeteve në Drejtorinë Rajonale të Transportit Rrugor dhe Sekseri, pasi i kërkuan pronarit të një automjeti një shumë monetare në këmbim të pajisjes me targë me numra të njëjtë.

Seksioni për Hetimin e Korrupsionit në Drejtorinë Vendore të Policisë Tiranë në bashkëpunim me Prokurorinë e Rrethit Gjyqësor Tiranë, në kuadër të operacionit policor të koduar ?Targa e bukur?, arrestuan në flagrancë shtetasit :

– A. E, 38 vjeç, banues në Tiranë (specialist pranimi në sallën e rregjistrimit të mjeteve në Drejtorinë Rajonale të Transportit Rrugor).

– S.M, 31 vjeç, banues në Tiranë ( në rolin e sekserit, i dënuar më parë për veprën penale ?Deklarim i rremë).

Këta shtetas në bashkëpunim me njëri – tjetrin (shtetasi Sefer Myftari luante rolin e sekserit ), i kanë kërkuar pronarit të një automjeti një shumë monetare prej 50 000 lekë të reja në këmbim të pajisjes së automjetit me targë me numra të njëjtë.

Gjithashtu në momentin e kapjes në flagrancë shtetasve të mësipërm iu sekuestrua në cilësinë e provës materiale shuma monetare prej 50 000 lekë të reja e përfituar në mënyrë të kundraligjshme .

Materialet iu referuan Prokurorisë së Rrethit Gjyqësor Tiranë për veprën penale ?Korrupsioni pasiv i personave që ushtrojnë funksione publike? parashikuar nga neni 259 i Kodit Penal në ngarkim të shtetasit A. E., dhe për veprën penale ?Ushtrimi i ndikimit të paligjshëm ndaj personave që ushtrojnë funksione publike?, parashikuar nga neni 245/1 i Kodit Penal në ngarkim të shtetasit S. M.