web counter
LEXO PA REKLAMA!

SHKARKO APP

App Store
Google Play

E fundit!

x

Akuza për përdhunimin e të resë/ LSI kërkon hetim për djalin e deputetit

27 Shtator 2018, 15:12, Aktualitet CNA

Kryetarja e LSI, Monika Kryemadhi ka reaguar për ngjarjen e Fushë-Krujës, ku djali i deputetit socialist, Rrahman Rrahja, akuzohet se ka përdhunuar shtetasen Xhisiela Maloku.

Ajo i ka bërë thirrje Prokurorisë dhe segmenteve të shtetit, që të marrin në mbrojtje Malokun.

Sipas Kryemadhit, intervista e djeshme e vajzës, është një rast i mirë për Prokurorinë që të hetojë se kush ishin personat që e shoqëruan atë, për të gjetur kërcënuesit e saj.

Ndër të tjera ajo ka shtuar se Maloku duke u ndjerë e frikësuar dhe e kërcënuar e ka tërhequr tre herë denoncimin për djalin e deputetit.

Kryemadhi ka thënë më tej se Kreu i Grupit Parlamentar të PS, duhet të sqarojë pozicionin e tij në këtë ngjarje dhe të mbajë përgjegjësi në emër të Partisë.

“E kanë kthyer në qesharak shtetin shqiptar që ngjall panik dhe frikë tëk shqiptarët. Do të ishte e rëndë që ngjarja të mos hetohej. I bëj thirrje prokurorisë dhe segmenteve të shtetit që ndihen të pakapura që të marrin në mbrojtje Xhisiela Malokun. Tre herë ka denoncuar Xhisiela dhe 3 herë e ka tërhequr denoncimin për shkak të frikës dhe dhunës. Më e tmerrshmja ishte rasti i djeshem, në një intervistë për televizionet dhe do të ishte rast i mirë i Prokurorisë të hetonte kush ishin personat që e shoqëruan në atë televizion.Nuk më shqetëson pjesmarrja e Taulant Ballës në këtë ngjarje. Përpara se të sqarojë pozicionin e tij në këtë histori duhet të mbaje përgjegjësinë e Partisë Socialiste”, tha ndër të tjera Kryemadhi.





Lajmet e fundit nga