web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e forta/ Disa pyetje që "kryqëzojnë" Arta Markun  

22 Shtator 2018, 10:48, Aktualitet CNA

Partia Demokratike vijon të hedhë akuza të forta në drejtim të Kryeprokurores së Përkohshme, Arta Marku.

Në një dalje për mediat, deputeti i PD, Enkelejd Alibeaj ka kërkuar Prokurorisë së Tiranës të hetojë dhe pezullojë nga detyra Prokuroren e Përgjithshme të Përkohshme Arta Marku.

?Arta Marku gjatë 9 muajve në krye të prokurorisë i ka shërbyer vetëm një qëllimi shkatërrimin e ekipit që po heton Tahirin dhe shpërbërjen e ekipit që po heton Shullazin. E realizoi qëllimin në krye të 9 muajve. Opinioni u njoh dje me padinë e PD-së ndaj kryeprokurores. Mediat kanë sjellë prova të cilat faktojnë se pasi largoi Elisabeta Imerin nga çështja Tahiri, Arta Marku largoi dhe Besim Hajdarmatajn në të njëjtën ditë kur u kërkua sekuestrimi i pasurive të Habilajve mes tyre dhe ?Audi? i famshëm. Shpërdorimi i detyrës nga Arta Marku kërkon hetim të shpejtë nga Prokuroria e Tiranës për të mos lejuar shkatërrimin e çështjeve të tjera. PD i bën thirrje prokurorisë së Tiranës të urdhërojë pa vonesë pezullimin e Arta Markut dhe hetimin e saj.?-u shpreh Alibeaj.

Thirrja vjen një ditë pas padisë ndaj Arta Markut. Deputeti Enkelejd Alibeaj ka dalë sot në selinë e PD duke deklaruar se kryeprokurorja i ka shërbyer një qëllimi këto 9 muaj.

Nga ana tjetër Alibeaj, ka drejtuar edhe disa pyetje, mes të cilave ?Cilat janë lidhjet direkte apo indirekte të Arta markut me Edi Ramën? Çfarë komunikimesh ka Arta Marku me Engjëll Agaçin dhe si kanë ndikuar? Çfarë i kanë kërkuar Markut, Xhafaj, Ulsi Manja, Ermonela Felaj apo ndonjë deputet i PS? A ka pasur kontakte Marku me ndonjë të dërguar të Shullazit??

Ndërsa më tej ai kërkoi të ?hetohet çdo lëvizje në Prokurori që nga koha kur është emëruar në detyrë Arta Marku. Hetimi dhe pezullimi i Markut është shërbimi më i madh që prokurorët mund t?i bëjnë drejtësisë?./CNA.al





Lajmet e fundit nga