web counter
LEXO PA REKLAMA!

SHKARKO APP

App Store
Google Play

E fundit!

x

“Internoi” Hajdarmatajn dhe “shpartalloi” Krimet e Rënda/ Arta Marku, show me pasurinë e Habilajve

22 Shtator 2018, 09:02, Aktualitet CNA

Pasditen e djeshme Gjykata e Krimeve të Rënda ka pranuar kërkesën e Prokurorisë për vendosjen e sekuestros mbi pasuritë miliona euroshe të grupit të dyshuar kriminal ?Habilaj?.

Njoftimi zyrtar i Prokurorisë së Përgjithshme rendit një sërë pasurish, të luajtshme e të paluajtshme në pronësi të të akuzuarve të dosjes ?Habilaj?, të cilët gjykohen për trafik ndërkombëtar të lëndëve narkotike.

Në njoftimin e dhënë nga Prokuroria u bë e ditur se Habilajve iu sekuestruan disa apartamente, sipërfaqe trualli, të cilat ndodhen në Tiranë e Vlorë dhe 5 automjete.

Por, pas zhurmës së madhe dhe kaosit që pushtoi Krimet e Rënda dy ditët e fundit, duket se Kryeprokurorja e Përgjithshme e Përkohshme, Arta Marku po përpiqet të justifikojë punën e saj në krye të këtij institucioni dhe të hedhë poshtë të gjitha fjalët që spektërit politik i adresojnë, si ?kukull e Ramës?.

Ky aksion i Arta Markut, i cili vjen vetëm një ditë pasi ?internoi? në krye të Prokurorisë së Pogradecit, Besim Hajdarmatajn, duket të jetë një show i radhës, për të tërhequr vëmendjen nga ajo çfarë po ndodh realisht te Krimet e Rënda dhe situata ku është katandisur drejtësia.

Kujtojmë këtu se rreth dy ditë më parë, Arta Marku urdhëroi hetim disiplinor për 11 prokurorë të Krimeve të Rënda, për shkak të refuzimit të shortit për dosjen ?Shullazi?, dhe ndërkohë tre prej tyre u ?internuan? në rrethe.

Por nga ana tjetër prokurorët e cilësojnë si të paligjshëm urdhërin e Markut, ndërsa sqarojnë se dosja në fjalë u refuzua për shkak të çështja është drejt përfundimit.

Por, ajo çfarë solli më tej urdhëri në fjalë i Arta Markut ishte përplasje dhe kaos në një ndër institucionet kryesore të drejtësisë në vend./ CNA.al





Lajmet e fundit nga