web counter
LEXO PA REKLAMA!

SHKARKO APP

App Store
Google Play

Humbën gjurmët në Llogara/ Policia shpëton turistët, pas 3 orë kërkimesh

16 Shtator 2018, 17:47, Aktualitet CNA

Policia e Vlorës i ka ardhur në ndihmë 4 turistëve të cilët kishin humbur kontaktet në një zonë të thellë të Llogarasë.

Policia bën me dieje se në operacionin e shpëtimit të turistëve kanë marrë pjesë 40 forca policore të DVP Vlorë dhe të Delta Forcës dhe gjetja e tyre është bërë pas tri orësh kërkime.

Turistët janë shoqëruar nga Policia me gjithë automjetin e tyre në hotelin ku janë akomoduar në Llogara.

Njoftimi i plotë i policisë:

Policia u erdhi në ndihmë 4 turistëve italianë, ku dy prej tyre kishin humbur kontaktet në një zonë të vështirë malore në qafën e Llogarasë, ndërsa dy të tjerë kishin humbur rrugën

40 forca policore të DVP Vlorë dhe të Delta Forcë pas 3 orë kërkimesh bënë të mundur gjetjen dhe nxjerrjen nga rreziku të katër turistëve italianë.

Sot rreth orës 14:15, disa shtetas italianë kanë  kërkuar ndihmën e Policisë pasi dy prej tyre kishin mbetur të bllokuar në një zonë të vështirë malore në Qafën e Llogarasë si dhe dy  shokët e tjerë kishin humbur kontaktet po në  atë zonë.

Menjëherë me marrjen e njoftimit, u organizuan shërbimet e Komisariatit dhe të Drejtorisë Vendore të Policisë Vlorë dhe në bashkëpunim me shërbimet e Repartit “Delta Forcë”, filluan krehjen e zonës ku pas tre orë kërkimesh u bë e mundur gjetja e tre prej tyre si dhe pas gjysëm ore më vonë Policia gjeti edhe turistin e katërt.

Turistët janë shoqëruar nga Policia me gjithë automjetin e tyre në hotelin ku janë akomoduar në Llogara.

Turistët italianë kanë falënderuar Policisë e Shtetit që ju erdhi në ndihmë.

(4 shtetasit italinë kishin parkuar automjetin e tyre në anë të rrugës dhe ishin futur në  pyllin e Llogarasë, duke u  shpërndarë në drejtime të ndryshme për turizëm malor, por gjatë eksplorimit të zonës kishin humbur orientimin dhe rrugën e kthimit, ku dy prej tyre ishin bllokuar në  një zonë të vështirë  dhe për këtë shkak   kërkuan ndihmën e Policisë së Shtetit) /CNA.al





Lajmet e fundit nga