web counter
LEXO PA REKLAMA!

SHKARKO APP

App Store
Google Play

E fundit!

x

Një model suksesi/ Shqiptar zgjidhet deputet për herë të tretë në Suedi

16 Shtator 2018, 15:50, Aktualitet CNA

Një shqiptar ka siguruar mandatin e deputetit për herë të tretë në Suedi. Bëhet fjalë për Adnan Dibranin, anëtar i partisë Socialdemokrate, e cila është fituese e zgjedhjeve me 28% të votave.

Në një prononcim për Klan Kosova, ai është shprehur se meritë e suksesit të tij janë bashkëatdhetarët të cilët e kanë votuar dhe partia e tij, e cila është e fortë.

?Partinë dhe shqiptarët i kam pasur në krah, prandaj ka ardhur suksesi. Është shumë ndjenjë e mirë, veçanërisht pasi kjo është hera e tretë që zgjidhem si deputet. Ka pasur edhe shqiptarë të tjerë në garën zgjedhore, por që tani pas zyrtarizimit të rezultateve kanë mbetur në nivele të tjera, nëpër komuna. Kam pasur edhe partinë si përkrahëse, pasi në fushatë kam hyrë me përkrahjen e partisë dhe normal kur e ke partinë e fortë vjen suksesi?- ka thënë shqiptari.

Më tej Dibrani ka zbuluar se ka marrë 6% të votave, ndërsa shton se ata që kanë vota mbi 5% nga totali i partisë, e kanë të sigurt postin në parlament.

Deputeti shqiptar ka thënë gjithashtu se do të vazhdojë të mbrojë interesat e shqiptarëve, ndërsa nuk përjashton mundësinë e një kandidimi për herë të katërt.

?Tërë kohën i ngre problemet me të cilat përballen shqiptarët, por edhe të tjerët. Unë vazhdimisht jam në kontakt si me Ambasadën e Shqipërisë, ashtu edhe me të Kosovës dhe do të vazhdojë ta bëj këtë?, thotë Dibrani. /CNA.al





Lajmet e fundit nga