web counter
LEXO PA REKLAMA!

SHKARKO APP

App Store
Google Play

E fundit!

x

Koalicioni PD-PDIU/ Zbardhen pikat e marrëveshjes Basha-Idrizi

16 Shtator 2018, 15:46, Aktualitet CNA

Ditën e sotme kreu i Partisë Demokratike Lulzim Basha ka zyrtarizuar koalicionin me kreun e PDIU-së, Shpëtim Idrizi, duke zgjeruar kështu frontin opozitar, i cili ka si qëllim rrëzimin e qeverisë dhe shkëputjen e politikës nga krimi.

Por pas mbledhjes së dy krerëve të partive është zbardhur marrëveshja mes PDIU dhe PD, e cila përmban 6 pika.

6 PIKAT E MEMORANDUMIT PD-PDIU

1-Rikthimin e normalitetit politik e institucional në vend, duke krijuar kushtet për ndarjen e politikës nga krimi, që po rrënon çdo standart demokracie në vend.

2-Krijimin e kushteve për zgjedhje të lira, të drejta e të ndershme, ku qeveria të dalë nga vota e lirë e shqiptarëve dhe jo nga skemat mafioze dhe lidhja me krimin, që ka deformuar vullnetin e shqiptarëve.

3-PD dhe PDIU angazhohen për zhvillimin e zgjedhjeve të përgjithshme dhe vendore me qëllim rikthimin urgjent të normalitetit në vend dhe ndarjen e sistemit politik nga fenomeni i blerjes së votës dhe manipulimit të saj.

4-PD dhe PDIU angazhohen për zgjidhjen e çështjes së shqiptarëve të Çamërisë ne te gjitha dimensionet e saj.

5-PD dhe PDIU angazhohen për fuqizimin e ekonomisë, duke suguruar lirinë e sipërmarrjes, konkurencës dhe mundësive për të gjithë.

6-PD dhe PDIU angazhohen për një mirëqeverisje sa më pranë qytetarëvë, të përkushtuar për zgjidhjen e problemit të papunësosë, për rritjen ekonomike, luftën pa kompromis kundër korrupsionit dhe krimit të organizuar.

Kujtojmë këtu se afrimi i Shpëtim Idrizit në frontin opozitar ka distancuar Vangjel Dulen me partinë e tij PBDNJ, i fundit ky që nuk ka një qëndrim zyrtar nëse do të vazhdojë të qëndrojë në opozitë apo do të zgjedhë largimin./ CNA.al

Më poshtë dokumentet e marrëveshjes Basha- Idrizi





Lajmet e fundit nga