Deputeti plas bombën/ “Rama të shkarkojë Tërmet Peçin, s'durohet ky skandal”

16 Shtator 2018, 08:35, Aktualitet CNA

Deputeti i Partisë Demokratike Tritan Shehu i ka kërkuar kryeministrit Edi Rama shkarkimin e menjëhershëm nga detyra për kryetarin bashkisë së Tepelenës, Tërmet Peçin, pas publikimit të videos, ku ky i fundit nderonte me grusht ?komandant? Enver Hoxhën dhe i këndonte këngë.

Në një postim në rrjetet sociale Shehu shkruan se Peçi gjatë një darke zyrtare të shkruar nga bashkia e Tepelenës me rastin e 75 vjetorit të çlirimit të saj i ka thurur lavde e ka kënduar për diktatorin Enver Hoxha.

Këtë gjë ai e ka cilësuar si një skandal dhe u ka bërë thirrje mediave, shoqatave të ish të përndjekurve politikë të reagojnë me forcë ndaj këtij skandali e turpi të vërtete!

?I kërkoj kryeministrit, si deputeti qarkut Tepelenë, të shkarkojë menjëherë, Tërmet Peçin. Çdo të ndodhte në Gjermani apo Itali sikur një kryetar bashkie t?i thurte lavde në një ceremoni zyrtare Hitlerit apo Musolinit!? A mund të më përgjigjeni për këtë ju Z.Kryeministër?,- ka shkruar deputeti në statusin e tij.

Postimi i plotë

I kerkoj Kryeministrit, si deputeti Qarkut, te shkarkoje menjehere Kryetarin e Bashkise se Tepelenes,Termet Peci.

Gjithashtu Prokuroria duhet te veproje ndaj tij per shkelje te ligjit.

I bej thirje opinionit publik, mediave, shoqatave te ish te perndjekurve politike te reagojne me force ndaj ketij skandali e turpi te vertete!

Termeti i ?bemave te medha?, mbreme ne darken zyrtare te shtruar nga Bashkia e Tepelenes me rastin e 75 vjetorit te clirimit te saj, i thurr lavde e kendon per diktatorin Hoxha, gje qe me tej e publikon.

Nje sfide e vertete kjo ndaj ligjit, demokracise, nje ofendim ky per proceset tona demokratike, nje arrogance e pa kufi ndaj ish te persekutuarve, ndaj gjithe ketij populli, qe e pagoi shume shtrenjte ate diktature te eger.

Nje perbaltje kjo edhe e te gjithe atyre, qe rane apo luftuan fashizmin e nazizmin, per nje Shqiperi te lire, demokratike, te begate, pavaresisht nga menyra se si ata e perceptonoin kete ne vitet e asaj lufte epokale.

Ishte ai diktator e ajo diktature, qe tradhtoi e shkeli edhe mbi gjakun e sakrificat e tyre, qofte edhe te popullit atdhetar e liridashes te Tepelenes, qe njohu gjate saj vecse vuajtjet, persekutimet, varferine.

Cdo te ndodhte ne Gjermani apo Itali sikur nje Kryetar Bashkie t?i thurte lavde ne nje ceremoni zyrtare Hitlerit apo Musolinit!?

A mund te me pergjigjeni per kete ju Z.Kryeminister?,/ CNA.al

Më poshtë po ju sjellim, videon në cilën Tërmet Peçi nderon me grusht ?komandant? Enver Hoxhën dhe i këndon këngë