web counter
LEXO PA REKLAMA!

SHKARKO APP

App Store
Google Play

E fundit!

x

Referendumi në Maqedoni/ Basha thirrje shqiptarëve të votojnë pro

15 Shtator 2018, 20:52, Aktualitet CNA

Kreu i Partisë Demokratike Lulzim Basha u takua ditën e sotme me krerët politikë shqiptarë në Maqedoni.

Ai u prit nga kreu i BDI, Ali Ahmeti , kryetari i Partisë Demokratike Shqiptare, Menduh Thaçi, kreu i lëvizjes Besa Bilal Kasami, kryetari i Partisë Aleanca për Shqiptarët Ziadin Sela dhe nga kryetari i komunës së Strugës, Ramiz Merko.

Gjatë fjalës së tij, Basha theksoi rëndësinë e referendumit për integrimin e Maqedonisë në BE.

Ndër të tjera kreu i opozitës ftoi të gjithë shqiptarët e Maqedonisë, të votonjë pro marrëveshjes me Greqinë.

Fjala e plotë e Bashës

Kam ardhur të ndaj me kënaqësi qendrimin e përbashkët të të gjithë forcave politike të shqiptarëve në Maqedoni. Liderit të Bashkimit Demokratik për Integrim, miku im Ali Ahmeti, e tha qartë dhe shkoqur. Mesazhi i tij, i cili rezonon sot anembanë Maqedonisë pranë qytetarëve shqiptarë dhe të gjithë qytetarëve të Republikës së Maqedonisë, është mesazhi i stabilitetit, i paqes, i sigurisë dhe i të ardhmes së sigurtë të Republikës së Maqedonisë dhe qytetarëve të saj si anëtare e aleancës më të madhe më të fuqishme politike dhe ushtarake në botë, aleancës së NATO-s dhe si prolog i anëtarësimit të Maqedonisë në Bashkimin Europian.

Unë jam këtu që në emër të Partisë Demokratike të mbështes dhe të përgëzoj nga zemra përpjekjet e palodhura të lidershipit shqiptar, të z Ali Ahmeti, të kolegëve të tij, krah për krah edhe forcave të tjera politike të Maqedonisë që me 30 shtator të shënohet një kapitull i rëndësishëm për Maqedoninë por edhe për mbarë rajonin duke hedhur hapin vendimtar drejt anëtarësimit të Maqedonisë në NATO.

Partia Demokratike ka një porosi apo një këshillë, një mesazh për të gjithë qytetarët e Maqedonisë e në veçanti për bashkëkombasit tanë shqiptarë, të dalin masivisht e të marrin pjesë masivisht të gjithë në referendumin e 30 shtatorit dhe të hedhin votën e tyre për Maqedoninë në NATO dhe për të ardhmen e sigurtë euroatlantike dhe europiane të Maqedonisë dhe mbarë rajonit. /CNA.al





Lajmet e fundit nga