web counter
LEXO PA REKLAMA!

SHKARKO APP

Skandal në burg/ Arrestohet gardiani

10 Shtator 2018, 13:27, Aktualitet CNA

Një punonjës i burgut të Fushë Krujës është arrestuar nga policia, pasi ka tentuar të fuste një celular në ambientet e burgut. I arrestuari është Bib Beqiri 56 vjeç, lindur në Pukë dhe banues në Tiranë.

Gjatë kontrollit të ushtruar para marrjes së shërbimit atij i është konstatuar se mbante të fshehur një send të dyshimtë në pjesën e poshtme të këpucës së djathtë.

Sipas Report Tv, pas kontrollit të imtësishëm nga ana e punonjësve të sigurisë së IEVP-së Fushë-Krujë u konstatua se Beqiri kishte kamufluar një send të dyshimtë, i mbështjellë me qese plastike dhe izoluar me natriban, që më vonë rezultoi se brenda kishte një aparat telefoni Iphone 5, ngjyrë e zezë, pa kartë SIM. Ndërsa në pjesën e poshtme të këpucës së majtë, poshtë shollës, u konstatua se kishte fshehur fishën e karikimit të këtij aparati telefonik.





Lajmet e fundit nga