E fundit!

17:57 Politikë

Takimi me banorët e Zvërnecit/ Rama: Çështjen e pronave e vendos vetëm gjykata

Kryeministri Edi Rama po zhvillon sot një takim me banorët...

“Rama fshehu vendimin e KE”/ Deputetja demokrate zbulon prapaskenat

10 Shtator 2018, 13:15, Aktualitet CNA

Pas letrës së BE-së adresuar qeverisë shqiptare, ka reaguar deputetja e Partisë Demokratike, Jorida Tabaku.

Në një deklaratë për mediat, Tabaku tha se qeveria e mbajti të fshehur për 4 ditë letrën e Komisionit Europian me qëllim manipulimin e opinionit publik, por mesazhi ishte i qartë.

Tabaku theksoi se KE rrëzon ligjin Special ?Rama Fusha? për shkatërrimin e Teatrit Kombëtar dhe ndërtimin e kullave me paratë e drogës dhe korrupsionit, si një ligj korruptiv dhe klientelist.

Më tej ajo është shprehur se përgjigja e Komisionit Europian u dha qytetarëve dhe opozitës fitoren e parë, ndërsa ka theksuar se mesazhi është i qartë: të bashkuar ne mund ta ndalim të keqen dhe ta rrëzojmë atë!

Deklarata e plotë e deputetes Tabaku:

Komisioni Europian ka rrëzuar zyrtarisht ligjin Special ?Rama Fusha? për shkatërrimin e Teatrit Kombëtar dhe ndërtimin e kullave me paratë e drogës dhe korrupsionit, si një ligj korruptiv dhe kientelist.

Qeveria e mbajti të fshehur për 4 ditë letrën e Komisionit Europian me qëllim manipulimin e opinionit publik, por përgjigja e Brukselit është e qartë: Qeveria ka shkelur ligjin!

Përgjigja e Komisionit Europian qartësisht i jep të drejtë opozitës për shqetësimet kryesore.

Prandaj dhe qeveria shpiku ligjin ?FUSHA: për t?i grabitur tokën Teatrit Kombëtar dhe për t?ia dhuruar atë kësaj kompanie me qëllim ndërtimin e kullave me paratë e pista të drogës dhe korrupsionit.

Siç edhe vërehet në letrën që erdhi si përgjigje e këmbënguljes së opozitës, qeveria dhe bashkia kanë shkelur me dy këmbë procedurat e prokurimit të hapur, duke mos mohuar për asnjë moment ndihmën e qeverisë për kompaninë ?Fusha?, nëpërmjet dhurimit të tokës publike.

Por, sikundër edhe letra artikulon qartësisht, Komisioni Europian nuk mund të jetë një institucion gjykues për saktësinë e ligjit në fjalë në raport me Kushtetutën e vendit.

Për një veprim të tillë është përgjegjëse Gjykata Kushtetuese, e cila mbahet sot e bllokuar nga mazhoranca pikërisht për të prodhuar ligje si Ligji Fusha dhe për të kënaqur orekset e oligarkëve apo pastruar paratë e kriminelëve dhe pushtetarëve.

Partia Demokratike zotohet se do të luftojë deri në sekondën e fundit për ta rrëzuar një herë e mirë ligjin dhe megafaerën korruptive kriminale të grabitjes dhe shkatërrimit të Teatrit Kombëtar për të pastruar paratë e pista të drogës.

Përgjigja e Komisionit Europian u dha qytetarëve dhe opozitës fitoren e parë.

Mesazhi është i qartë : të bashkuar ne mund ta ndalim të keqen dhe ta rrëzojmë atë! / CNA.al