web counter
LEXO PA REKLAMA!

SHKARKO APP

App Store
Google Play

"Më ngacmuan seksualisht kur isha 6 vjeç"/Shokon aktorja indiane

10 Shtator 2018, 11:10, Aktualitet CNA

Shrenu Parikh është aktorja që luan në serialin indian “Bixhoz me dashurinë” . Në një postim në Instagram aktorja indiane ka treguar një histori shokuese sesi një burrë e ka ngacmuar seksualisht kur ishte 6 vjeç.

“Kur isha fëmijë kam kaluar pushimet në qytetin e gjyshërve të mi!
Ato ditë udhëtuam në një autobus lokal! Vendet ishin të zëna dhe gjyshi im i kërkoi dikujt që të lironte vendin për mua! Një burrë i tha gjyshit “Ule në prehrin tim”. Gjyshi pranoi me mendimin që të paktën nuk do të lodhem dhe më uli në prehërin e atij burri. Nuk e dija se çfarë do të ndodhte me mua. Më zuri gjumi dhe vetëm kur u zgjova me ndjenjën se ai burrë po më prekte në mënyrë të papërshtatshme.
Ndjeva diçka të gabuar, por u mpiva dhe mendova se ishte në rregull për të që ta bënte këtë. E shihja gjyshin i cili po qëndronte pak larg meje, por nuk mund t’i thoja asgjë, as në atë moment dhe as më vonë.
Do të doja të flisja për këtë, do doja që ai njeriu të dënohej që ngacmoi seksualisht një 6-vjeçare. Jo vetëm një herë, por kaq shumë incidente të tilla kanë ndodhur, që i di nga miqtë e mi të cilët kurrë nuk flasin për këtë! Asnjëherë nuk e kemi ngritur zërin sepse kemi frikë se shoqëria nuk do të na besojë dhe ne nuk do mundemi ta mbrojmë veten tonë!
Nëse nuk e themi ne të vërtetën tonë, askush tjetër nuk do e bëjë. Kjo është vetëm një përpjekje e vogël për të krijuar një hapësirë ??për të gjithë ne për të ndarë historitë tona dhe për të ngritur zërin tonë!”, ka shkruar aktorja.





Lajmet e fundit nga