web counter
LEXO PA REKLAMA!

SHKARKO APP

App Store
Google Play

E fundit!

x

Historia e trishtë e shqiptares në Itali/ “Do ta shohësh fëmijën vetëm nëse bën 200 euro në natë”

10 Shtator 2018, 08:39, Aktualitet CNA

Një shtetase shqiptare, e cila kishte shkuar në Itali bashkë me të fejuarin ka përfunduar në një rrjet prostitucioni.

Ajo që e bën edhe më të rëndë ngjarjen është fakti se e reja shqiptare ishte shtatzënë dhe u dorëzua në një rrjet prostitucioni nga vetë i fejuari i saj.

Mediat italiane shkruajnë se shqiptarja është rikthyer në rrugë sapo ka lindur fëmijën, të cilin e kanë marrë për adoptim shtetas italian.

Përvec faktit që është nxjerrë në rrugë, shqiptares, identiteti i së cilës nuk bëhet i ditur nuk i lejonin as të shihte të porsalindurin e saj, vetëm nëse bënte 200 euro në natë.

Ngjarja ka ndodhur në qytetin e Piacenza-s, ku vajza kishte shkuar me dëshirën për të punuar bashkë me të fejuarin.

Polici ka nisur hetimet dhe ka si të dyshuar kryesor për rrjetin e prostitucionit pesë persona mes tyre edhe dy shtetasit italianë të cilët adoptuan foshnjën e shqiptares.

Në dosje është gjithashtu i përfshirë edhe babai biologjik i foshnjës,  i cili akuzohet për shfrytëzim dhe inkurajim të prostitucionit, akuzë kjo që sipas tij është e rreme.





Lajmet e fundit nga