E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Çështja çame nuk ekziston”/ Ish-deputetja shkund Ramën pas deklaratës së Tsipras

9 Shtator 2018, 22:01, Aktualitet CNA

Ish-deputetja, Mesila Doda ka reaguar ashpër pas deklaratave të kryeministrit grek, Aleksis Tsipras, i cili u shpreh se çështja çame nuk ekziston dhe nuk është në tryezën e bisedimeve me Shqipërinë.

Në një posim në rrjetet sociale Doda ka bërë përgjegjës Edi Ramën, kjo sepse Tsipras është partneri strategjik i tij.

?Rilindja si vazhdimësi e politikës së kuqe të diskriminimit dhe krimit mbi popullsinë çame po ridimensionohet bindshëm. Bijtë e etërve që vranë popullsinë çame në Çamëri së bashku me bijtë e etërve të kuq këtu në Shqipëri që persekutuan për gjysmë shekulli popullsinë e martirizuar që erdhi të gjente strehë në shtetin amë, sot vendosin t?i zhdukin edhe emrin?,- ka vazhduar Doda.

Në përfundim të postimit ish-deputetja shkruan se çdo pushtetar përgjegjës në këtë vend, para se të zhdukë emrin, të drejtën e historinë e Çamërisë duhet të zhdukë farën e urrejtjes që ka mbjellë.

Postimi i plotë

Ekstremisti i majte Cipras, tashmë i garantuar nga Rama edhe si partner strategjik, sot ka deklaruar se çështja çame nuk ekziston, se do marrë detin, varrezat, të drejtat për të gjallët e të vdekurit e tyre në këtë vend.

Po sot partneri strategjik i Edi Ramës deklaron se nuk njeh masakrat, dëbimet, rrëmbimet, vrasjet e vjedhjen e pronave në Çamëri, madje guxon e shkon deri aty sa thotë se do heqë emrin Çamëri nga tekstet shqiptare?

Rilindja si vazhdimësi e politikës së kuqe të diskriminimit dhe krimit mbi popullsinë çame po ridimensionohet bindshëm. Bijtë e etërve që vranë popullsinë çame në Çamëri së bashku me bijtë e etërve të kuq këtu në Shqipëri që persekutuan për gjysmë shekulli popullsinë e martirizuar që erdhi të gjente strehë në shtetin amë, sot vendosin t?i zhdukin edhe emrin?

Por sot duhet ta dinë mirë, e ta mësojë çdo pushtetar përgjegjës në këtë vend, se para se të zhdukni emrin, të drejtën e historinë e Çamërisë, do zhduket shumë më shpejt mbrapshtia edhe fara e urrejtjes dhe tradhtisë që ata vetë mbollën e po rrisin përditë mbi kurrizin e Çamërisë martire. Ne nuk harrojmë!!!/ CNA.al