web counter
LEXO PA REKLAMA!

SHKARKO APP

App Store
Google Play

E fundit!

x

Lejet e qëndrimit/ Greqia rrit tarifat

9 Shtator 2018, 19:23, Aktualitet CNA

Tarifat e reja të leje të qëndrimit të miratuara nga parlamenti grek, do të hyjnë në fuqi më datë 12 shtator.

Nëse leja e qëndrimit jepet  në bazë të udhëzimeve të Komisionit Europian, qytetarët do të paguajnë 150 euro, raporton Tv Tribuna.

Tek lejet e përfshira në ligj futet ajo për bashkim familjar, leje rezidenti afatgjatë, leja unike, leja për qëllime të veçanta me akses në tregun e punës, kuadrot për veprimtarin investuese, ajo për interes publik dhe për studim.

Ndërkohë përsa i përket tarifave (paravolo), lejet e qëndrimit 10 vjeçare do të kushtojnë 900 euro, leja 5 vjeçare e brezit të dytë 300 euro, leja për veprimtaritë investiuese nga 500 do të rritet në 2000 euro,  për personat e pavarur nga ana ekonomike nga 0 shkon në 100 euro, ndërsa të punësuarit sezonal nga vendet e treta do të paguajnë 100 euro nga 50 që ishte më parë.

Ndërkohë gobat për shkak vonese të kërkesës për lejen e qëndrimit, do të mbeten 50 euro,  100 euro do të jetë gjoba kur nuk informon për ndryshim adrese dhe në rast përsëritje dyfishohet.

Kur bëhet fjalë për arsye qëndrimi humanitare, tarifa është 100 euro, 50 euro parashikohet për refuzim apo heqje të lejes së qëndrimit, ndërsa në rast se humbet, qytetarët duhet të paguajnë 100 euro dhe 16 të tjera plus, e cila është vlera e kartës biometrike të leje qëndrimit. /CNA.al





Lajmet e fundit nga