Nga Elvi FUNDO/ Pse të gjithë duhet të mbështesim Lulzim Bashën?!

10 Shtator 2018, 10:44, Aktualitet CNA

Lulzim Basha prej pesë vitesh është në drejtimin e Partisë Demokratike. Ka një bilanc negativ, jo për shkak të mënyrës sesi është zgjedhur, por për faktin se në zgjedhje mori 230 mijë vota më pak dhe PD-ja duket e rrudhur dhe e përçarë.

Përtej çdo kontestimi, qejfmbetje apo inati, sot më shumë se kurrë të gjithë duhet të jenë me Lulzim Bashën. Çdo gabim që ai ka bërë, çdo faj dhe çdo përgjegjësi, kritikët apo dashakeqët duhet t?ja falin.

Këtu përfshihen të gjithë ata që mbushen xhepat në pushtetin e PD-së apo bënë skandale dje, ata që rrinë e ruajnë e presin të vijë pushteti e të mbushin xhepat nesër, ata që kanë ikur nga mungesa e demokracisë në PD, ata që i kanë larguar, ata që sulmojnë Bashën me të drejtë, por edhe ata që e teprojnë, të gjithë pa përjashtim, duhet të jenë me Lulzim Bashën.

Shqipëria ka ndezur sirenat e alarmit dhe ka nevojë për opozitë dhe në rast se të gjithë mbështesin Lulzim Bashën, për pak kohë mund të kemi opozitën që na duhet. Atë të aksionit, të alternativës dhe jo të pazareve me qeverinë.

Jozefina, Astriti, Ridvani e shumë e shumë senatorë të PD-së sot më shumë se kurrë duhet të jenë me Lulzimin, ashtu sikundër ata që e sulmojnë në media apo rrjetet sociale, si Edith Harxhi, Edvin Kulluri, Fabian Topollaj e shumë e shumë të tjerë, sot duhet të jenë me Lulzim Bashën.

Edhe Bardhi, Ennoja, Grida, Salianji e gjithë të tjerët që i fërkohen për ndonjë interes, por që e “shqyejnë” me sharje e fyerje tavolinave, duhet të shkojnë ta ?puthin? në ballë Lulin.

Ka ardhur momenti për të pasur opozitën e vërtetë dhe këtë mundësi po na e jep vetëm Basha. Ata që mendojnë se Luli nuk po na jep mundësinë e një opozite të vërtetë, ose janë infantile në politikë ose xheloz të tepruar ndaj kryetarit të PD-së.

Lulzim Basha mund t?ju japë Shqiptarëve opozitën që duan, sepse siç e ka nisur po gropos veten dhe sa më shoejt ta bëjë, aq më shpejt do të kemi opozitën e vërtetë. Luli është buzë greminës, të gjithë duhet ta shtrëngojnë, ta mbajnë fort, të mos e lënë të bjerë kaq shpejt. Duhet edhe pak kohë që të bjerë e të shporret një herë e mirë për të shpëtuar PD-ja dhe opozita.

Vetëm Luli mund të jetë shkatërrimtari dhe njeriu që çon në fund Lulzim Bashën. Njeriu që kërkon Vettingun në politikë, por vetëm për shokët banditë, jo për pasuritë, është përfshirë në krimin e organizuar ndërkombëtar. Një investigim i plotë i CNA.al, nxori se kreu i PD-së ka ndezur skandale deri tek FBI. Fotoja e tij me presidentin Trump, mos sqarimi dhe mos zbardhja e burimit të gati 800 mijë dollarëve, plasi një skandal në SHBA që zëri i erdhi në Tiranë, për të cilin prokuroria ka hapur hetime, por që në fakt nuk po ndodh asgjë.

Larg nga Shqipëria, dy ditë më parë FBI-ja arrestoi një biznesmen turko-armen Lev Aslan, bashkëpunim në biznes me turkun Ekim Alptekin, i cili është njeriu i thirrur nga FBI-ja, i hetuar që nga cështja ?Flynn? deri tek pastrimi i parave.

Alptekin është miku i Lulzim Bashës, ky i fundit i ka vënë kurorën e dasmës. Alptekin është kumbar në familjen e Lulzim Bashës.

Skandali pas hetimeve të FBI-së pritet të zgjasë, gjurmët mund të çojnë te Alptekin dhe ndryshe nga prokuroria shqiptare, FBI mund të kërkojë kokën e kryetarit të PD-së, çka do të thotë se Lulzim Basha është i vdekur politikisht, jo vetëm për shqiptarët, por edhe për SHBA.

E në finale kjo do të thotë se Lulzim Basha me lidhjet dhe veprimet e tij ka vrarë veten politikisht, është ?një i vdekur i pakallur? thotë populli, ndaj për ta shpëtuar, sot të gjithë duhet ta mbështesin që ta mbulojnë sa më shpejt, duhet t?i japim kurajo që të vazhdojë budallallëqet e tij, gafat dhe skandalet, të cilat po e shpartallojnë politikisht, jo thjeshtë dhe vetëm në marrëdhënie me kundërshtarin politik Edi Rama, por në marrëdhënie me SHBA-të dhe partnerët e tjerë ndërkombëtarë.

Luli e ka ?vrarë? Bashën. Një investigim i plotë dje zbardhi lidhjet e tij me krimin e organizuar ndërkombëtar. Tani s?ka ngel gjë tjetër, thjeshtë dhe vetëm t?i bëhet Vettingu, por edhe ai për pasurinë. Luli e ka ?vrarë? Bashën, askush nuk e ringjall dot./ CNA.al

Arrestohet në SHBA biznesmeni turk afër Lulzim Bashës

Ekskluzive-Krimi i organizuar ndërkombëtar dhe lidhjet e Bashës/ FBI i arreston miqtë