E fundit!

07:35 Ekonomi

Pas vizave e “braktisën”, këtë vit turistët nga Kosova i rikthehen sërish Shqipërisë

Shqipëria vazhdon të mbetet destinacioni kryesor i pushues...

“Ke bërë copash jetën tonë”/ Aktivistja që e gjuajti me vezë, akuza të forta Ramës

9 Shtator 2018, 14:41, Aktualitet CNA

Aktivistja Klodi Hoxha ka reaguar në lidhje me situatën kriminale që prej disa kohësh po sundon në vendin tonë.

Në një postim në rrjetet sociale, aktivisja ka shkruar me ironi se ajo është me kriminelët, sepse ata nuk janë kriminelë.

?Kriminelë janë pikërisht surretërit që shohim nëpër ekranet televizive duke u shtirur sikur janë nëna e ligjit dhe e vënies së drejtësisë! Janë këta që i bënë copash ëndrrat dhe jetën e bashkëmoshatarëve të mi, që ju i quani kriminelë?, – ka shkruar Hoxha më tej.

Gjithashtu në postimin e saj aktivistja ka lëshuar akuza kundër kryeministrit Edi Rama, për të cilin shprehet se është faji i qeverisjes së tij që situata kriminale ka arritur në këtë nivel alarmant.

Kujtojmë se aktivisja Klodi Hoxha ka tentuar në vitin 2015 ta qëllojë me vezë kryeministrin Edi Rama, teksa dilte nga Fakulteti i Shkencave sociale.

Postimi i aktivistes Hoxha

Jam me kriminelët, sepse këta nuk janë kriminelë!

Kriminelë janë pikërisht surretërit që shohim nëpër ekranet televizive duke u shtirur sikur janë nëna e ligjit dhe e vënies së drejtësisë! Janë këta që i bënë copash ëndrrat dhe jetën e bashkëmoshatarëve të mi, që ju i quani kriminelë.

Madje, në asamblenë e fundit të Partisë Socialist, kryeministri Rama, shkoi më tutje, kur tha:

?Këta që vrasin dhe vjedhin nuk janë kriminelë, janë më keq. Janë disa rrugeçër të shpifur që do u vijë fundi shumë shpejt.?

Harron KM që ua vuri vetë këtë barrë mbi supe, duke i bërë të varfrit edhe më të varfër që të vetmen mundësi mbijetese kanë ose të rrojnë këtu duke u strapacuar sa në burgje e sa në baçe, ose të mësyjnë jashtë shtetit.

Kriminele janë këta që ulën buxhetin e arsimit, këta që rritën tarifat e studimeve, janë këta pronarë mediash që reklamojnë vetëm të pasur, janë këta palo artistësh dhe blogeresh që mbushën rrjetet sociale me marka, udhëtime dhe gjithçka tjetër të shtrenjtë.

Ky është shembulli që na servirni, por si të bëhemi si ju duke ndenjur të ndershëm?! Na e thoni pak ne ?kriminelëve?, si ja bëni ju që vidhni e vrisni por nuk quheni kriminelë?!/ CNA.al