E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

“Shqiptarë, rrini të qetë, Kosova ka ende burra”

9 Shtator 2018, 13:09, Aktualitet CNA

Avokati Spartak Ngjela ka në një postim në rrjetet sociale, ka komentuar veprimet e kryeministrit të Kosovës Ramush Hajradinaj, dhe forcave policore kosovare, të cilët nuk lejuan hyrjen në Drenicë të presidentit serb, Aleksandër Vuçiç.

?Shqiptarë, rrini të qetë! Kosova ka ende burra?,- shkruan Ngjela.

Por sipas tij Vuçiç, i cili kishte shkuar me qëllim fyerjen e luftës çlirimtare të Kosovës, i trembur nga ky veprim i shqiptarëve ka marrë në telefon presidentin e Turqisë, Rexhep Taip Erdogan, duke i shprehur shqetësimin e ata po i marin territoret që vetë Turqia u dha nga 1878 e deri në vitin 1913.

Më tej Ngjela ka kujtuar se planin për për shkëmbimin e territoreve mes Kosovës dhe Serbisë e ka kundërshtuar edhe kancelarja gjermane Angela Merkel.

Postimi i plotë i Ngjelës:

Vuçiç nuk u lejua të shkojë në Drenicë. Ai donte të fyente luftën çlirimtare të Kosovës.
Por burrat kosovarë i treguan vendin. Ata i thanë: “Zoti Vuçiç, Adem Jashari është ende gjallë, kurse këta shqiptarë, që të perjargen ty, janë pilivesa…”

Angela Merkel në Shkup, me fjalën e saj, e shkatërroi përfundimisht planin ogurzi të ndarjes së Kosovës.
Esadistët në Tiranë dhe në Prishtinë, sigurisht që janë në hall të madh, se menduan që me ndarjen e Kosovës të krijonin shpërbërjen e dy shteteve shqiptarë me destabilizim.

“S’ka ndarje!” – tha shefja e madhe e Europës.
“FJALA e saj është ligj”, tha Vuçiç nga liqeni i Kosovës, por me zë të drobitur.

Vuçiç nga Mitrovica merr në telefon Erdoganin në Stamboll.
E dini cili është nënteksti i kësaj bisede?
“Rexhep, po na i marrin shqiptarët të gjitha tokat e tyre që ju na i dhatë që nga viti 1878 e deri në vitin 1913”.
Po cila mund të jetë ndihma që do t’i japë Erdogani?
Kuptohet: mbështetjen e Ramës dhe të Thaçit.
Po kush i pyet këta në Shqipëri!
Po të shohim tani dhe diçka: si do të precipitojnë ngjarjet?
Sigurisht në favor të botës shqiptare në Ballkanin Perëndimor.

Në Selanik ka trazira për emrin e ri të Maqedonisë, kurse politika shqiptare në Shkup është memece. Se është e korruptuar.
Blejini! Thosh kryeministri serb për krerët e shqiptarëve, në fillim të shekullit të XX-të. Dhe i blenë.

Por ajo që bie negativisht sot në sy, është fakti që emigracioni shqiptar në Perëndim edhe pse i ka sytë nga Shqipëria dhe nga Kosova, nuk është aktiv. Sot në emigracionin shqiptar në Perëndim ka njerëz me vlerë, po nuk janë aktivë. Sepse siç duket nuk e kanë të qartë se çfarë po ndodh.
Duhet të imitojnë shqiptarët e mëdhenj të Rilindjes Kombëtare që krijuan shoqata dhe komitete në Europë, në Amerikë, madje edhe në Egjipt, dhe e shpëtuan Shqipërinë nga likuidimi tërësor.
Sot është e njëjta situatë si atëherë, sepse prapë janë bërë bashkë Moska, Beogradi dhe Stambolli për të shpërbërë Shqipërinë.
Këta po i tremb shumë bota shqiptate në Ballkanin Perëndimor, dhe janë hedhur në sulm me esadistët në Tiranë dhe në Prishtinë, kundër bashkimit shqiptar.
Por dita e sotme ishte një fakt i ri për ringritjen e historisë së shqipërisë, e cila ka filluar në vitin 1999, dhe duhet të shkojë deri në albanizmin real të Ballkanit Perëndimor.
Dhe do të shkojë. /CNA.al