web counter
LEXO PA REKLAMA!

SHKARKO APP

App Store
Google Play

Akuzoi Ramën për Vettingun e politikanëve/ Balla i kundërpërgjigjet Spahos

6 Shtator 2018, 17:44, Aktualitet CNA

Kreu i Grupit Parlamentar të PD, Edmond Spaho akuzoi pak momente më parë kryeministrin Edi Rama, se refuzoi Vettingut për politikanët, pasi është peng i krimit.

Menjëherë ka reaguar Kreu i Grupit Palamentar të PS, Taulant Balla, nëpërmjet një postimi në rrjetet sociale, duke thënë se është lajm i rremë.

Deputeti socialist ka zbuluar gjithashtu se ka kontaktuar homologun e tij demokrat, për të mësuar më shumë rreth kësaj ideje.

Balla ndër të tjera ka shtuar, se nga propozimi i kreut të opozitës Lulzim Basha, nuk kuptohej asgjë konkrete dhe dukej më shumë sikur kreu i opozitës ishte kundër reformës në drejtësi.

Postimi i plotë

Sapo i kam dërguar një mesazh mikut dhe kolegut tim, Edmond Spaho, pasi lexova një prononcim të tij ku thoshte se:

?Refuzimi i Edi Ramës për Vettingun me ligj të politikanëve provoi se Rama është peng i krimit. Kryeministri i krimit po përdor drejtësinë e tij dhe mediat e tij për të mashtruar shqiptarët. Edi Rama e refuzon Vettingun me ligj të politikanëve, sepse vetë ka lidhje me kokat kryesore të krimit të organizuar?.

I dashur Mondi, lexova reagimin tënd ku akuzoje Ramën se ka refuzuar këtë të Vettingut! U habita e desha të pyes njëherë se mos është lajm i rremë, se Rama e tha qartë që jemi shumë dakord. Madje ai më ngarkoi mua të komunikoj nesër me ty për të mësuar më shumë mbi idenë që keni për këtë nismën e Vettingut të politikanëve. Sepse nga teksti nuk kuptohej asgjë konkrete si e ka idenë Luli, madje mëshumë dukej si tekst kundër Reformës në Drejtësi, se sa për thellimin e Vettingut. Ne nga ana jonë jemi gati dhe jam në dispozicion. Taulanti/CNA.al

Refuzoi vettingun për politikanët/ Zbulohet kush ia dha urdhërin Ramës

 





Lajmet e fundit nga