Tekstet falas për filloren/ Zbardhen prapaskenat

6 Shtator 2018, 18:04, Aktualitet CNA

Partia Zgjidha ka reaguar pas vendimit të qeverisë për të dhënë falas librat nga klasa e parë në klasën e katërt.

Në një postim në rrjetet sociale, thuhet se tekstet falas janë detyrim për çdo vend të BE-së dhe atyre që duan të futen në union.

Zgjidhja vazhdon më tej duke thënë se pasi u dha librat falas nxënësve të fillores, qeveria ua ka rritur me 5-35 përqind çmimet librave nga klasa e 5-te në klasën e 9-të.

Gjithashtu mungon transporti falas për nxënësit dhe shpërndarja e laptopëve për mësuesit, të cilat aplikohen në një vend shumë pranë nesh si Maqedonia.

Postimi i plotë

Tekstet shkollore falas, detyrim i qeverisë

Ermelinda Lupi
Kryetare e Forumit Rinor të ZGJIDHJA (FRZ)

Dy ditë më parë Kryeministri doli ?me shpatë në dorë? për të prerë zërat kundër demagogjisë që ai po bën me dhënien e teksteve shkollore falas për nxënësit në klasat e arsimit fillor. Iu vërsul një komentueseje pse kishte thënë se është turp gjithë kjo propagandë qeveritare për një detyrim ligjor që çdo qeveri ka ndaj brezit të ri, mirëedukimit të tij dhe përgatitjes së atyre që do të drejtojnë vendin në të ardhmen. Kryeministri solli edhe shembuj se si vendet e rajonit nuk bënin më shumë se ç?po bënte ai duke kujtuar se Serbia apo Mali i Zi nuk i japin librat falas për nxënësit e fillores.
E vërteta nuk është ashtu. Tekstet falas për nxënësit, apo ndihma për mësuesit, janë një e drejtë e vendeve anëtare të BE-së dhe e atyre që duan t?i bashkohen këtij unioni. Çdo vend që duhet t?i bashkohet BE-së duhet të plotësojë disa kushte dhe njëri ndër ta edhe librat falas për nxënësit e shkollave fillore dhe të mesme, laptop falas për të gjithë mësuesit si dhe transporti falas për nxënësit. Le të mos shkojmë më larg, por te Maqedonia, fqinji ynë lindor, një vend më i vogël edhe si madhësi edhe si ekonomi. Që nga viti 2006 qeveria maqedonase u jep falas tekstet shkollore nxënësve të shkollave fillore e të mesme, u siguron transport falas si dhe u ka dhuruar të gjithë mësuesve të shkollave fillore dhe të mesme nga një laptop.
Në Shqipëri kjo nuk premtohet nga kryeministri të ndodhë as në fund të mandatit të dytë qeverisës. Ai vërtet ua dha tekstet falas 190 mijë fëmijëve në klasat I-IV, por ato para që futi andej, po i nxjerr shumëfish me tekstet e shtrenjtuara për nxënësit e klasave të V-XII nga 5 për qind deri në 35 për qind. Transporti shkollor gjoja është falas, por ai mungon apo është me kokë të torbë për nxënësit dhe mësuesit në shumë zona dhe operatorët pajtohen sipas lidhjeve korruptive me pushtetin qendror dhe vendor.
Sa për mësuesit dihet. Ata jo vetëm që nuk kanë përfituar laptopë falas, por janë punësuar apo mbahen në punë kundrejt ryshfeteve dhe pagesave të kripura, apo janë të trysnuar që në çdo palë zgjedhje të mbledhin vota për partinë në pushtet.
ZGJIDHJA e sheh lehtësisht të realizueshme nismën për të pajisuar me tekste shkollore falas të gjithë nxënësit pa përjashtim, për investimet e nevojshme nëpër shkolla ku ata të mësojnë në kushtet normale dhe njerëzore. Nuk ka nevojë që për këtë të preket fondi rezervë, apo ai i emergjencave, por të përdoret vetëm një pjesë e vogël e atyre fondeve kolosale që Rilindja sot i bën rrush e kumbulla për luksin qeveritar, i tret nëpër koncesione për klientët e saj. /CNA.al