web counter
LEXO PA REKLAMA!

SHKARKO APP

App Store
Google Play

E fundit!

x

Krimet në Shkodër/ Xhafaj mbrohet duke sulmuar Opozitën

3 Shtator 2018, 15:48, Aktualitet CNA

Ministri i Brendshëm Fatmir Xhafaj ka marrë fjalën në seancën e parë parlamentare për këtë sesion të ri.

Sulmet e opozitës adresuar ish-ministrit për situatën në Shkodër dhe të gjithë vendin kanë qenë kryefjalë e hartimit të tij.

Nëpërmjet sulmeve të opozitës Xhafaj ka zgjedhur të mbrohet dhe të largojë vëmendjen nga krimet që së fundmi kanë pushtuar vendin.

?Ajo që po bën opozita, lidhur me ngjarjet e rënda të ndodhura së fundmi është një sulm agresiv i qëllimshëm për të nxirë imazhin e policisë dhe të vendit. Nuk dua t?i hyjë farë diskutimit se cila është natyra e disa prej viktimave të përfshirë në këto ngjarje, apo sa dhe si këta të fundit kanë qenë vetë të përfshirë në vrasje të mëparshme.

Natyrisht çdo rast vrasje përbën një ngjarje të rëndë sepse janë jetë njerëzish dhe çënojnë sigurinë qytetare. Ne jemi duke iu shkuar në fund këtyre rasteve dhe shumë shpejt do të zbardhim edhe autorët, kjo sa i takon përgjegjësisë sonë. Sa i përket opozitës, kanë zgjedhur një kauzë të gabuar.

Në këto muaj kemi bërë një skanim të qartë dhe të hollë të grupeve kriminale që nuk u krijuan sot, por kanë vite. Kemi goditur një pjesë të këtyre grupeve, dhe do të godasim edhe të tjerë në muajt në vijim, falë punës së mirëorganizuar të struktuarave përkatëse të shtetit?, u shpreh Xhafaj. /CNA.al





Lajmet e fundit nga