"Letër fqinjëve sekserë"/ Gazetari tregon pse nuk e voton Veliajn

3 Shtator 2018, 14:31, Aktualitet CNA

Gazetari Agim Xhafka u ka dhënë një mësim të mirë fqinjëve të tij, të cilët në favor të kryetarit të Bashkisë së Tiranës, Erion Veliaj kërkojnë votën që ai të vijojë edhe një tjetër mandate qeverisës.

Nëpërmjet tri fotove adresuar fqinjëve të tij, Xhafka ka treguar arsyen pse nuk e voton Veliajn.

Së pari Xhafka ka treguar rrugën e pallatit të tij që e lidh atë me rrugën kryesore dhe gjendjen e në të cilën ndodhet.

Në foton e dytë ai ka treguar se si njerëzit shkojnë me nxitim drejt një boti me uj, ndërsa ka theksuar se para se ai të vinte në krye të Bashkisë së Tiranës, uji vinte tri herë në ditë.

Dhe së treti ai ka publikuar një foto ku Tirana duket e tejmbushur me plehra.

E plotë:

Tek pallati ynë në Tiranë shumica e banorëve votoi Lali Erin para katër vitesh. E di mirë këtë sepse më trokisnin në derë ditë e përdite që edhe une të bëja si ata. Por nuk ia arritën të më bindin,ama ia arritën që Erion Veliaj të bëhet kryetar i bashkisë në kryeqytet.

Tani po vjen 2019 dhe me sa po duket Lali kërkon dhe një mandat të dytë. E di që prapë do më trokasin te porta e do më luten ta çoj te ai votën time,por para se të mbërrijë ajo ditë po u dergoj fqinjëve të mij këto tre foto. Le t?i shohim, t?i perflasim e pastaj të votojnë si të duan.

Në foton e parë duket rruga e pallatit që na lidh me kryesoren. Kanë erdhur parvjet ata të ujësjellësit. Hapën ca gropa e ikën. Tani erdhën sërish e kur prisnim të mbyllnin honet e para hapën të tjera. As folën me njeri,as sqaruan njeri,por me kazëm,matrapik e qysqi i hynë rrugës në thellësi e ikën. E lanë për ibret. Shëmti e pas një shiu bast që mund të lundrojmë me govata a me kanoe.

Te foto e dytë duken banorët që sulmojnë një bot me ujë të pijshëm. Pa u bërë Lali kryetar na vinte uji tre herë në ditë. Tani mbase një herë se ditët që na u shfaq boti ishte fiks një javë pa një pikë uji në çezma. E kjo na ndodhi sapo u rrit çmimi i ujit.

Foto e tretë mbase është universiale. Krejt Tirana mbytur në plehra. Mbase nuk ia dalin gjatë vitit,por në gusht,kur gjysma e banorëve shkon në det,kjo gjendje është dëshpëruese.

Të dashur fqinjët e mij. E kuptuat që unë nuk do votoj për Lalin. Ju jepjani votën se ashtu jeni gatuar,ia jepni dhe shpirtin partisë. Ama thellë vetes e dini se ky njeri për pallatin,bllokun e lagjen tonë nuk bëri asgjë. Pra sikur ishim pa kryetar bashkie. Tani po i del fryma të na paraqesë ca korsi biçikletash dhe mendon se do gënjehemi. Tek pallati ynë asnjë nuk ka biçikletë. Andaj as korsitë nuk janë për ne.

Po vjen 2019. Unë u dola borxhit. Ju bëni si të doni. Ama do vijë viti 2023 dhe prapë oborri do jetë me gropa,uji do na vijë me pika e plehrat do i kemi kapicë. Shihni këto foto e kujtojini para kutisë ku do hidhni vullnetin tuaj… /CNA.al