Sekuestrohen 5 mjete lundruese/ Në pranga 4 persona

3 Shtator 2018, 13:41, Aktualitet CNA

Pesë mjete lundruese janë sekuestruar dhe katër persona kanë rënë në pranga, si rezultat i bashkëpunimit midis policisë së Sarandës dhe policisë kufitare greke.

Nga të dhënat e para mësohet se 2 skafe janë sekuestruar nga policia shqiptare dhe 3 nga policia greke.

Policia ka bërë me dije se në pranga kanë rënë shtetasit F.Ll, 17 vjeç, banues në fshatin Shëndëlli, Sarandë; A.D., 15 vjeç, banues në fshatin Shëndëlli, Sarandë; K.P, 17 vjeç, banues në fshatin Shëndëlli dhe K.D, 20 vjeç, banues në fshatin Shëndëlli.

Njoftimi i plotë:

Policia e Shtetit

Finalizohet operacioni i përbashkët midis Policisë së Shtetit dhe Policisë Greke, i koduar “BUTRINTI” !

Sekuestrohen 5 mjete lundruese.

Arrestohen në flagrancë 4 persona.

Policia e Shtetit mbi bazën e informacioneve t? siguruara në rrugë operative për persona që vidhin mjete lundruese nga fshati Shëndëlli, Sarandë, në grykëderdhjen e lumit “Pavllo”, shërbimet e Policisë si rezultat i operacionit bënë të mundur bllokimin i një mjeti lundrues tip Gomone me mbishkrimin “Highfield”, në të cilin u arrestuan në flagrancë dy shtetasit e mëposhtëm:

F.Ll, 17 vjeç, banues në fshatin Shëndëlli, Sarandë.

A.D., 15 vjeç, banues në fshatin Shëndëlli, Sarand?.

Nga kontrolli i ushtruar në banesën e shtetasit A.D, u gjet dhe u sekuestrua një mjet lundrues varkë plastike me mbishkrimin “Evinrude”, pa dokumentacion.

Gjithashtu, si rezultat i bashkëpunimit të ngushtë me Policinë Greke, është bërë i mundur arrestimi i dy shtetasve të tjerë shqiptarë në Ishullin e Korfuzit Greqi, të cilët janë kapur në flagrancë duke vjedhur mjete lundruese (skafe):

K.P, 17 vjeç, banues në fshatin Shëndëlli.

K.D, 20 vjeç, banues në fshatin Shëndëlli.

Nga ana jonë janë bllokuar dhe sekuestruar 2 mjete lundruese:

– Gomone “Highfield”, motor “Mërkuri” me 9HP.

– Varkë plastike “Evinrude” 25 HP.

Ndersa policia greke ka sekuestruar 3 mjete të tjera lundruese në Ishullin e Korfuzit, Greqi.

Materialet proceduriale në ngarkim të shtetasve F.Ll, dhe A.D, iu referuan Prokurorisë për veprat penale “Trafikimi i mjeteve motorike” dhe “Vjedhje” parashikuar nga nenet 141/a/2 dhe 134/2 të Kodit Penal. /CNA.al