web counter
LEXO PA REKLAMA!

SHKARKO APP

App Store
Google Play

Abuzoi seksualisht për 16 vite me të bijën dhe e la shtatzanë/ Në pranga babai

31 Gusht 2018, 19:00, Aktualitet CNA

Tri ditë më parë Policia e Tiranës ka vënë në pranga një 61-vjeçar, nën akuzën se ka abuzuar seksualisht me vajzën e tij për 16 vite, madje ajoka abortuar edhe një fëmijë.

Asokohe vajzë e mitur, vetëm 9 vjeç dhe sot një 25 vjeçare, ajo ka bërë denoncimin, pasi e kishte rrëfyer më parë hisorinë e saj tek murgeshat.

Policia e ka dhënë dje njoftimin zyrtar për arrestimin ku thuhet se:

?Më datë 30.08.2018, u ndalua shtetasi Q.N., vjeç 61, banues në Tiranë, për veprat penale parashikuar nga nenet 106, 100 dhe 130/a të Kodit Penal.?-thuhet në njoftimin e policisë.

Burime për ?Shqiptarja.com? bëjnë me dije, se 61-vjeçari me inicialet Q.N, është divorcuar nga bashkëshortja e tij në vitin 2002, dhe 3 fëmijët e çiftit qëndruan me babain e tyre, asokohe 45 vjeç. Ata jetuan në Tiranë, dhe sipas denoncimit të vajzës, babai ka nisur abuzimin me vajzën e madhe, që në moshën 9-vjeçare. Ata jetonin në një dhomë, të cilën e kishin kthyer në banesë dhe sipas kallëzimit të vajzës, sot, 25 vjeçe, babai ka kryer me të marrëdhënie seksuale me dhunë.

Burimet shtojnë se vajza, kohët e fundit, ka treguar gjithçka tek murgeshat, njëra prej tyre, ka nxitur vajzën të bëjë edhe denoncimin në polici. Babai është arrestuar menjëherë nga policia e Tiranës, dhe ka pranuar abuzimin me të. Vajza gjithashtu ka treguar se në moshën 19-vjeçare, i ati e ka lënë shtatzënë dhe më pas e ka abortuar. Pas martesës së vajzës së vogël, 25-vjeçarja e abuzuar nga babai, jetonte bashkë me të. Ajo ishte larguar nga shtëpia dhe i ati e kishte denoncuar si të zhdukur.

Mësohet se babai ka shpërthyer në lot në polici dhe i ka kërkuar falje vajzës.

61-vjeçari ndodhet në paraburgimin e Tiranës dhe ndaj tij, janë ngritur 3 akuza, të cilat janë marrëdhënie seksuale ose homoseksuale me personat në gjini ose nën kujdestari, marrëdhënie seksuale me të mitur dhe dhuna në familje.

 





Lajmet e fundit nga