E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Gazetari e thotë copë/ “Varfëria nuk shuhet me show, e bingo kryeministrore”

31 Gusht 2018, 18:29, Aktualitet CNA

Gazetari Denis Dyrnjaja në një postim në rrjetet sociale ka publikuar një foto ku kryeministri Edi Rama është duke takuar një familje të varfër.

Teksa përshkruan foton dhe personat, Dyrnjaja shkruan se ky takim i tij nuk është shpëtim për familjen e varfër, por tregues se sa thellë vendi është zhytur në mjerim, ndërsa thekson se varfëria nuk shuhet me show, as me bingo kryeministrore.

Më tej Dyrnjaja shkruan se Rama do kishte bërë mirë mos të kishte vajtur fare në atë familje, por nga studio e tij të merrte një letër dhe t?u hiqte të gjitha salltanetet e krijuara mbi kurrizin e shqiptarët, njerëzve të pushtetit.

Postimi i plotë:

Kjo foto e kapërcen cinizmin, përçmimin ironinë gjithçka kapërcen. Skamja i ka shndërruar ata njerëz të lodhur nga varfëria në mumje të gjalla që janë mahnitur me vizitorin. Dhe vizitori është ai që ishte në foto me Cristiano Ronaldon pak ditë më parë. Vizitori do bënte mirë që mos shkonte fare në këtë shtëpi, që nuk është shtëpi, e te takonte këta njerëz që mjerimi i ka kërrusur trupin, por jo dinjitetin. Vizitori do bënte mirë te merrte një letër të bardhë dhe të vendoste:

heqjen e të gjitha salltaneteve dhe yzmeteve shtetërore që nga vetja në rradhë te parë e çdo ministër e zyrtar që ka ngritur pashallëkun e vet mbi mjerimin e këtij populli.

Të krijonte një fond solidariteti, jo për ta vjedhur PPP-te, por për të shkuar për fukarenjtë që të kenë ku strehohen e çfarë të hanë.

Është jonjerëzore, është antisociale, është brutale që pakica e shumicës së njerëzve të jetojnë në luks të pamerituar, të korruptuar, të dligjitimuar, ndërsa shumica e shumicës të jetojë në skamje.

Nuk shuhet varfëria me show, as me bingo kryeministrore, por me plan të vërtet social që ua merr paratë atyre që i shpërdorojnë për luks, teka e qejfe në zyrat e shtetit dhe shpërndan siç duhet, kur dhe ku duhet miletit.

Kjo vizitë nuk ndjell shpëtim, por konfirmon sesa thellë jemi në mjerim. Shqipëria nuk është Tirana që bën xhiro te blloku, bulevardi dhe te lana. /CNA.al