web counter
LEXO PA REKLAMA!

SHKARKO APP

App Store
Google Play

Presidenti Trump bën sulmin e rradhës, akuzon Google për “fake news”.

29 Gusht 2018, 08:25, Lifestyle CNA

Donald Trump së fundmi në qendër të sulmeve të tij ka pasur Google për shkak të lajmeve që shfaqen si rezultat nëse kërkohet emri i tij në motorrin më të madh të kërkimeve në botë.

Në një postim në Twitter ai ka thënë: ?Kërkimi në Google për ?Trump News? shfaq vetëm reportime apo histori të mediave fake. Me fjalë të tjera, ata kanë manipuluar sistemin, për mua dhe të tjerë, në mënyrë të tillë që të gjitha lajmet të duken keq. 96% e rezultateve për ?Trump News? janë nga mediat që kontrollohen nga krahu i majtë i politikës, kjo është shumë e rrezikshme. Google dhe të tjerët janë duke shtypur zërin e konservatorëve dhe po fshehin lajmet dhe informacionet e mira. Ata po kontrollojnë cfarë mund apo mund të mos shihni. Kjo është një situatë shumë serioze dhe do ndërmerren veprime?.

Rezultat e kërkimit në Google dalin në bazë të një algoritmi që merr parasysh shumë faktorë, të cilat në fakt i dinë vetëm inxhinierët e saj, por dalin dhe në bazë të kërkimeve të fundit që janë bërë nga përdorues të ndryshëm. Kompania e tekonologjisë është akuzuar dhe më parë për manipulim të lajmeve apo nxitjen e lajmeve të rreme por gjithsesi një përgjigjë nga ata ende nuk është bërë publike, as për sulmin e fundit nga Trump.

Presidenti Trump duket se akuzat i ka bërë fill pasi ka kërkuar emrin e tij në Google, dhe pas një ?studimi? të shpejtë të rezultateve postoi deklaratën në Twitter, e cila realisht është në vazhdën e sulmeve që miliarderi ka bërë në drejtim të mediave sociale. Nuk dihen ende se cfarë masash apo veprimesh do merren nga administrata apo Shtëpia e Bardhë por shenjat tregojnë për një luftë që do të vazhdojë, edhe penalisht.





Lajmet e fundit nga