web counter
LEXO PA REKLAMA!

SHKARKO APP

App Store
Google Play

E fundit!

x

Zjarret që përfshinë vendin/ Çako: Në 80% të rasteve, të qëllimshme

28 Gusht 2018, 14:05, Aktualitet CNA

Zjarrvënia e qëllimshme vijon të jetë problem edhe këtë sezon veror, ndonëse në një numër dhjetra herë më të vogël se një vit më parë.

Këtë e konfirmon në një intervistë për TV Klan, drejtori i Emergjencave Civile, Haki Çako, i cili tha se nga Qershori deri në muajin Gusht janë regjistruar 73 raste zjarri.

?Në 80% të rasteve janë zjarre me dashje të vendosura nga persona që synojnë qoftë për të dëmtuar pasurinë  e qytetarëve apo edhe për të hapur kullota për bagëtitë. Deri tani janë regjistruar 73 raste zjarri në shkallë vendi dhe 1 i proceduar penalisht në Kombinat?, raporton TV Klan.

Dy kanë qenë rastet më të rënda gjatë stinës së verës.

?Zjarri më problematik, më shqetësues ka qenë ai i pyllit të Semanit, ku u dogjën 7 hektarë shkurre dhe pishë, dhe zjarri i shfaqur afër qytetit të Lushnjes?.

Ndryshe nga një vit më parë ku u regjistruan mbi 300 raste zjarri dhe u dogjën rreth 14 mijë hektarë tokë, këtë vit shfira është dhjetra herë më e vogël.

?Sipërfaqja e djegur në total është rreth 30 ha në raport me 362 raste ose 14 mijë ha të shkrumbuar në 2017?.

Duke folur për kapacitetet e Emergjencave Civile, Çako tha se mbi 1400 persona janë në dispozicion për çdo rast emergjent si dhe qindra mjete duke vijuar nga zjarrfikëset si dhe makina e varka shpëtimi.





Lajmet e fundit nga