Braktis të “fortët” e inkriminuar/ Ish-Kryeprokurori në Gjykatën Kushtetuese

28 Gusht 2018, 12:05, Aktualitet CNA

Sot, Kuvendi ka publikuar emrat e shtatë kandidatëve, që synojnë të bëhen pjesë e Gjykatës Kushtetuese.

Elsa Toska, Fiona Papajorgji, Ilir Panda, Sinan Tafaj,Theodhori Sollaku, Valbona Bala dhe Vasil Bendo janë kandidatët që do të garojnë për për të zëvendësuar në Gjykatën Kushtetuese vendin e lënë vakant nga gjyqtari Fatos Lulo.

Ky i fundit u shkarkua nga Vettingu, për shkak se nuk mundi të justifikonte pasurinë.

Kandidati që bie në sy nga lista e garuese është Theodhori Sollaku, një emër ky mjaft i përfolur në drejtësinë shqiptare por edhe në rrethin politik.

Sollaku ka qenë në krye të Prokurorisë së Përgjithshme para Adriatik Llallës dhe pas shkarkimit ai u bë pjesë e Asamblesë së Partisë Socialiste.

Gjatë kohë që ai ka drejtuar Prokurorinë e Përgjithshme , është akuzuar se ka amnistuar krimin.

Kjo për arsye se asnjë ish-zyrtar i qeverisjes socialiste 1998-2005, që u cilësua dhe një qeverisjet më të korruptuara, nuk u hetua nga organi akuzës.

Sollaku , gjatë detyrës si Prokuror i Përgjithshëm është bërë objekt tejet i diskutueshëm në media, në kohën që u ekzekutua shoferi i tij, Genci Sina. Atentati mafioz ndodhi në sy të bashkëshortes dhe vajzës së Sollakut.

Ngjarja e rëndë e cila ndodhi më 30 shtator të vitit 2003, u tha se ishte kryer nga grupi, por vetë Sollaku ka thënë se vrasja mund të ketë qenë një sulm edhe ndaj institucionit të Prokurorisë.

Kujtojmë se Sollaku pas largimit nga Asambleja Socialiste ka bërë avokatin e të ?fortëve? të inkriminuar. Një nga klientët e tij ka qenë edhe ish-kryebashkiaku i Kavajës Elvis Roshi.

Pas trekëndëshit, Prokurori, politikë dhe avokati, Sollaku synon Gjykatën Kushtetuese.

Duke pasur parasysh të kaluarën e tij në politike, duket se Sollaku është kandidati potencial për të zëvendësuar Fatos Lulon në Kushtetuese.

Pas kësaj procedure pritet që Sollaku të kalojë në procesin e Vettingut.

CNA.al pos jell më poshtë pasurinë e deklaruar nga Theodhori Sollaku, para se të largohej nga Prokuroria.

Pasuria e ish-kryeprokurorit Theodhori Sollaku, para se të largohej nga organi i akuzës.

Ish-prokurori i përgjithshëm Thehodhori Sollaku rezulton të jetë:

1) Bashkëpronar me 50% i një Apartamenti 3+1 me burim pasurie Privatizim 1994.

2) Bashkëpronar me 50% Apartament 2+1 blerje në vitin 2003 me të ardhura të familjes, vlera e blerjes 1 900 000 lekë.

3) Truall dhe Banesë me sip. 540 m2 me burim pasurie dhuruar bashkëshortit nga prindërit në 1995.

4) Bashkëpronar me 50% tokë arë 600 m2, blerë më të ardhura të familjes në vitin 2000 vlera në blerje 1 000 000 lekë.

5) Bashkëpronar në vlerën 50% tokë pyll 500 m2 blerë në 2003 me të ardhura të familjes vlera në blerje 600 000./CNA.al