Thellohet skandali/ Komisioni i Vettingut tallet me gjyqtarët dhe prokurorët

28 Gusht 2018, 10:46, Aktualitet CNA

Komisioni i Pavarur i Kualifikimit ka dështuar të bëjë punën e tij.

48 gjyqtarë dhe prokurorë, pa llogaritur këtu ata që dhanë dorëheqjen për t?iu shmangur Vettingut, janë rivlerësuar në një afat kohor prej 5 muajsh.

Por, për një pjesë të madhe të tyre, si për të rikonfirmuarit në detyrë ashtu edhe për të shkarkuarit, ende nuk janë zbardhur vendimet nga Komisioni i Pavarur i Kualifikimit.

Sipas ligjit, KPK duhet të zbardhë vendimin për emrat që kalon në Vetting, brenda një afati kohor, prej 30 ditësh, pas dhënies së vendimit.

?Vendimi me shkrim u njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve pas përfundimit të seancës dëgjimore. Vendimi publikohet në faqen zyrtare të internetit të Komisionit?, thuhet në nenin 55 të ligjit ?Për rivlerësimin e përkohshëm të gjyqtarëve dhe prokurorëve?.

Nga një vëzhgim që CNA.al, ka bërë faqen zyrtare të internetit të Komisionit të Pavarur të Kualifikimit, rezulton që për 24 gjyqtarë dhe prokurorë që kanë kaluar në këtë proces, nuk janë zbardhur vendimet.

Thënë më qartë ligji është shkelur hapur nga Komisioni i Vettingut, i cili përveçse akuzohet për korrupsion dhe standarte të dyfishta, mbart mbi vete edhe shkelje të tilla ligjore, duke thelluar kështu më tej skandalet ku është i përfshirë. Tre anëtare të KPK -së, akuzohen për mashtrim, falsifikim dhe korrupsion. Bëhet fjalë për anëtarët, Suela Zhegu, Lulzim Hamiti dhe Valbona Sanxhaktari.

Vendimet nuk janë zbardhur për gjyqtarët dhe prokurorët që nuk kanë kaluar Vettingun, si Artan Zeneli, Bledar Abdullai, Elsion Sadiku, Shkëlzen Selimi, Rovena Gashi, Ervin Metalla, Admir Thanza, Gani Dizdari, Artan Laze, Dritan Rreshka, Adriatik Cama, Artan Broci dhe Arben Nela.

Pothuajse të gjithë janë kundër vendimit të KPK ?së, dhe sipas ligjit do ta ankimojnë, ndërkohë vendimi nuk është zbardhur, edhe pse për disa është tejkaluar afati 30-ditor i përcaktuar në ligj.

Gjithashtu vendimet nuk janë zbardhur edhe gjyqtarët dhe prokurorët që e kanë kaluar Vettingun, si Nertina Kosova, Fatjona Memçaj, Dritan Prençi,Xhezair Zaganjori, Dritan Hallunaj, Gentjan Osmani, Brunilda Kadi, Besnik Muçi, Arben Dollapaj,Gentja Medja dhe Ardian Dvorani.

Kujtojmë se deri më tani ONM ka ankimuar 5 vendime të Komisionit të Pavarur të Kualifikimit për gjyqtarët dhe prokurorët Edmond Islamaj, Bashkim Dedja, Xhezair Zaganjori, Gentia Osmani dhe Gentian Medja.

ONM i është drejtuar Komisionerit Publik për të vijuar ankimimin e vendimeve të KPK, por kjo procedurë nuk mund të kryhet nëse nuk janë të zbardhura vendimet.

Nuk dihet nëse janë lënë qëllimisht të pazbardhura vendimet nga Komisioni i Vettingut, kryesisht për emrat më të përfolur të drejtësisë, por me siguri plotë mund të thuhet, se ligji është shkelur nga Komisionerët e Vettingut, gjë që lëkund të gjithë procesin./CNA.al