web counter
LEXO PA REKLAMA!

SHKARKO APP

App Store
Google Play

Ndërron jetë John McCain/ Meta: Lajm i hidhur për të gjithë shqiptarët

26 Gusht 2018, 08:05, Aktualitet CNA

Pas ndarjes nga jeta të senatorit amerikan John McCain, ka reaguar presidenti Ilir Meta.

Në një postim në rrjetet sociale, Meta shkruan se ky është një lajm i hidhur për shqiptarët, pasi kanë humbur një mik të veçantë dhe të pazëvendësueshëm.

Në mesazhin e nderimit për McCain, Meta ka thënë se ?Senatori McCain ishte një nga mbështetësit e vendosur të çështjes së Kosovës dhe kauzës për lirinë dhe pavarësinë e saj?, ndërsa ka shtuar se senatori amerikan ishte ndër mbështetësity kryesorë të integrimit të Shqipërisë në NATO.

Reagimi i plotë:

Ndarja nga jeta e Senatorit John McCain është një lajm i hidhur për mua dhe për të gjithë shqiptarët.

Sot u largua nga jeta një hero lufte dhe një patriot i madh, njeriu që i shërbeu kombit të tij me vetëmohim, heroizëm e ndershmëri të pashoqe.
Ai i shërbeu lirisë dhe të drejtave të njeriut në botë e veçanërisht në Ballkan.

Senatori McCain ishte një nga mbështetësit e vendosur të çështjes së Kosovës dhe kauzës për lirinë dhe pavarësinë e saj.

Ai u bë një ndër mbështetësit kryesorë të antarësimit të Shqipërisë dhe të rajonit tonë në NATO për të cilën të gjithë shqiptarët i janë mirënjohës.

Angazhimi i përkushtuar i njerëzve të tillë si McCain për cështjen e të drejtave dhe të lirive të popujve të shtypur në botë e kanë bërë SHBA-në një vend lider të demokracisë dhe rriti simpatinë e saj në gjithë botën.
Sot shqiptarët humbën një mik të veçantë e të pazëvendësueshëm.
U prehtë në paqe shpirti i tij! /CNA.al

 





Lajmet e fundit nga