E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kategori të ndryshme pushimesh! Personazhet që i shijuan ditët e verës në shoqëri dhe mënyra të ndryshme

26 Gusht 2018, 07:53, Aktualitet CNA

Edhe një javë duhet dhe zyrtarisht mbyllet stina e verës edhe pse ka shumë njerëz që preferojnë që pushimet e tyre t?i bëjnë në muajin shtator. Kanë mjaftuar 3 muaj për të parë gjithë destinacionet e mundshme që personazhet e njohur të ekranit tonë kanë zgjedhur për të pushuar dhe duhet thënë se me aq sa kemi parë në rrjetet e tyre sociale, kjo ka qenë vera e pushimeve të një standarti tjetër: më pak schuma party- argëtim i çmendur dhe më shumë kuriozitet për të njohur kultura, kohë për të kaluar me familjen dhe shijuar romancën në çift.
Në vijim ju tregojmë se si i kemi klasifikuar ne pushimet e tyre.

Pushimet ekploruese
Drini Zeqo ndryshe nga vitet e tjera këtë verë zgjodhi që të mbathte një palë atlete, një çantë shpine dhe të eksploronte vende dhe kultura të reja. Destinacioni i Drini që prej korrikut ka qenë Afrika. Kenia ishte një nga vendet në të cilat Drini u argëtua më së shumti duke njohur botën shtazore të cilën mund ta shohësh vetëm në këtë vend. Një gjirafë, një gazelë, një feline, një zjarr i madh në pyll, një agim i shijuar ndryshe, shtëpia e Freddie Mercury, veshja dhe kultura e Afrikës e sidomos shtëpitë e tyre janë disa nga gjërat që Drinit i bënë më së shumti përshtypje dhe i dhanë një kuptim ndryshe pushimeve të tij.

Pushimet ?vërdallë? pak këtu e pak aty
I kemi quajtur kështu sepse në fakt kanë qenë disa destinacione brenda një kohe të shkurtër. Alketa Vejsiu i nisi pushimet e saj në Lampedusa, Siçili duke shijuar brigjet e kaltra të atij vendi. Brenda një kohe shumë të shkurtër ajo shijoi disa ditë në jug të Shqipërisë e pastaj sërish drejt Italisë në Komo. Pas Komos Alketa e la pas plazhin dhe shijoi pushimet në Londër dhe Skoci pra pushime kulturore dhe jo verore. Thënë më saktë Alketa ka qenë ?vërdallë?, pak këtu e pak aty por ka bërë pushime ama!

Pushime romantike
Rozana Radi ka thyer rregullin e çdo viti këtë verë. Prej vitesh moderatorja dhe këngëtarja shkonte për pushime në Turqi ndërsa këtë vit zgjodhi Italinë. Në një vend si ky jo vetëm mund të kalosh pushime të paharrueshme por edhe të krijosh kujtime të bukura. Mund të themi se Rozana i ka shijuar në maksimum pushimet e saj, jo vetëm detin por gjithçka mund ti marrësh vendeve të bukura që Italia ka. Capri, Alberobello në Bari, Napoli, Roma kanë qenë disa nga destinacionet që Rozana ka vizituar kërë verë bashkë me partnerin e saj dhe nga sa mund të kuptohet nga postimet këto kanë qenë me plot kuptimin e fjalës pushimet romantike të kësaj vere.

Pushime familjare
Roza Lati është një nga ato personazhe që dijnë se si ta shijojnë verën duke shfrytëzuar çdo ditë të saj në maksimum. Ndryshe nga më parë këtë vit Roza i ka ndarë pushimet në kategori; me familjen, me disa shoqe, me pjesën tjetër të shoqërisë apoo me kushërirat. Pra vera për Rozën ka qenë e gjatë ama për të vetëm një grup ditësh ia ka vlejtur më shumë nga të tjerat. Roza këtë vit është kënaqur më shumë në pushimet familjare. Fill pasi përfundoi emisionin Roza nisi pushimet me mamin, tezen dhe kushërirat e saj dhe duket se ka kaluar kohën më të mirë pasi ka qenë vetë ajo që e ka pranuar se pushimet me familjen janë gjithnjë më të bukurat. ?Si foleja jote nuk ka.?

Pushime mamash
Ndryshe nga viti i kaluar që bashkë me bashkëshortin miliarder Emina Çunmulaj i mjaftoi një jaht dhe shëtiti gjithë botën, këtë vit gjërat kanë ndryshuar. Tashmë ajo është nënë e dy vajzave dhe i duhet që çdo ditë t?ua përkushtojë atyre. Pushimet e Eminës këtë vit kanë qenë tipike pushime mamash jo vetëm sepse ajo është gjatë gjithë kohës pranë vajzave por edhe sa herë që lahen në pishinë ajo publikon foto të sajat me të bijën, Ella që kanë të njëjta rroba banje aq sa tashmë mund ti bëjnë edhe koleksion.

Pushime ?çokollatë e bardhë çokollatë e zezë?
Angela Martini mund të themi se është ndër personat që i ka filluar pushimet e verës më herët se kurrë. Ajo dhe bashkëshortit u mjafton vetëm dëshira dhe voila shkojnë në Maldive, pastaj në Turqi, pastaj në Greqi, e aktualisht gjenden në Capri në Itali. Këtë vit ka qenë Angela ajo që ka bërë diçka të ngjashme si Emina Çunmulaj vitin e kaluar. Ajo kishte jaht ndërsa Angela avion. Ka shijuar edhe ujërat më të pastër dhe të kaltër të Maldive apo Mikonos(çokollata e bardhë) deri tek ngjyra blue e thellë e ujërave të Caprit(çokollatë e zezë).

Pushime panoramike
Afërdita Dreshaj Kindl dhe i shoqi i saj Jakub kanë zgjedhur që këtë vit të shijojnë romancën në Itali. Çifti ka preferuar të lërë pas pushimet në plazh dhe të shijojnë vendet e bukura e mondane, qytet të ndryshme të Italisë. I kemi klasifikuar si pushime panoramike pasi absolutisht Afërdita ka bërë fotot me panoramat më të bukura këtë vit.

Pushime pune
Ndërkohë që shumë pushojnë ka nga ata që punojnë gjatë gjithë verës vetëm se dy personave u qëlloi një punë fati. Flori Gjini dhe Ori Nebiaj jo vetëm kanë punuar por kanë bërë edhe qejf në emisionin ?Pushime on Top?. Ata kanë vizituar qytet të ndryshme të Shqipërisë dhe vendet më të bukura të bregdetit, malit, fushës etj.