Kokaina/ “Shpallet rekordi i zi i Edi Ramës”

24 Gusht 2018, 18:12, Aktualitet CNA

Ish-kryeministri Sali Berisha ka postuar në rrjetet sociale një artikull të revistës ?The Economist?, në të cilin shkruhet se shqiptarët mbajnë vendin e parë për konsumin e kokainës.

Berisha shkuan se Shqipëria, po pushtohet nga kartelet e drogës dhe se për këtë fajtori është Edi Rama.

Ish-kryeministri shprehet, se gjatë qeverisjes së tij Rama ka arritur një rekord të zi për rritjen e trafikut të kokainës.

Postimi i plotë i ish-kryeministrit Sali Berisha:

Revista me prestigjioze e botes ?The Economist? shpall rekordin me te zi te Edi Rames:

Shqiptaret vendin e pare ne bote per konsumin e Kokaines!

Shqiperia pushtohet nga Kartelet e droges.

Lexoni editorialin e te famshmes ?The Economist?. sb

– Alarmi i frikshëm i ?The Economist?: Kartelet e drogës po fitojnë, edhe Shqipëria?

Prestigjozja ?The Economist?, ka bërë një konstatim të frikshëm që lidhet me pushtetin e jashtëzakonshëm që kanë fituar kartelet e drogës në të gjithë botën.

Shqipëria nuk mbetet pas, përkundrazi në këtë rang-listë ?të zezë?, renditet e para në konsumin e kokainës në raport me popullsinë e vendit.

Në artikullin me titull ?Pse kartelet po fitojnë? thuhet se lufta ndaj drogës po shkon drejt një krize të re dhe kartelet e dhunshme të drogës luftojnë për një fitim që kap shifrat e 320 miliard dollarëve në vit.

Përsa i përket Shqipërisë, fryma e artikullit është në koherencë me raportet e fundit ndërkombëtare lidhur me trafikun e drogës në vendin tonë, dhe kthimin e Shqipërisë në një nyje të rëndësishme të magazinimit dhe më vonë transportimit të kokainës për në vendet e BE-së.

Një situatë kjo që të con në një konkluzion shqetësues dhe alarmant: Kartelet e drogës kanë fituar edhe në Shqipëri.

Britania, Spanja, Australia dhe Shtetet e Bashkuara janë shtetet që konsumojnë kokainën më së shumti. Por përqindjen më të madhe e mban Shqipëria dhe 2.5% e popullsisë konsumon drogë, duke mbajtur vendin e parë, kjo edhe për shkak se është një rrugë e rëndësishme e trafikut të kokainës Afgane, raporton ?The Economist?.

Media prestigjioze ?The Economist? raporton se Shqipëria zë vendin e parë në botë për konsumimin e kokainës në raport me popullsinë.

Prodhuesit kryesorë janë vendet e Amerikës së Jugut. Kolumbia është në vendin e 34 në renditje për konsum, por është prodhues dhe furnizues i gjysmës së sasisë së kokainës në botë. 1 kg në xhunglat e Kolumbisë shkon rreth 2200 dollarë, ndërsa në Meksikë arrin 12-16 mijë dollarë.

Në Europë shkon 53-55 mijë dollarë 1 kg. Bandat e krimit të organizuara po kërkojnë rrugë të reja transporti, ndërsa volumin e kanë rritur më shumë se kurrë. Gjithashtu edhe linjat dhe rrugët e vjetra të kanabisit po përdoren për transport kokaine, thotë ?The Economist?./ CNA.al