E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zbulohet skandali i zjarreve në çerdhe/ Veliaj manipulon ekspertizat

23 Gusht 2018, 12:48, Aktualitet CNA

Partia Demokratike ka akuzuar sot kryebashkiakun e Tiranës, Erion Veliaj se po manipulon ekspertizën e zjarreve në çerdhet e kryeqytetit.

Në një dalje për mediat, deputetja e PD, Albana Vokshi tha se ?Vartësit e Veliaj në shërbimin e zjarrfikës pohuan atë që kishte paracaktuar Veliaj, se sipas tij zjarrvënia është e qëllimshme dhe jo përgjegjësi e Bashkisë?.

Sipas Vokshit, ?Provat qesharake që kanë gjetur një xham të thyer ngjajnë me skenarin e Griseldës shtatzënë, që shpiku Veliaj disa vite më parë?.

Po ashtu Vokshi tha se drejtoresha e çerdheve, me urdhër të Veliajt siguroi fëmijët se shpërthimi nuk ka ndodhur në çerdhe dhe se nuk përdorin gaz.”

Deputetja demokrate theksoi se ?Si drejtoresha e çerdheve edhe zjarrfikësit po manipulojnë të vërtetën për të fshehur përgjegjësinë veliajt për zjarret në çerdhe, ashtu siç ndodhi me vrasjen e Ardit Gjoklajet dy vjet më parë?.

Deklarata e plotë e Vokshit:

Një javë nga shpërthimi i bombolës së gazit në çerdhen nr. 14 në ?Ali Demi? dhe tre dite nga zjarri në çerdhen nr. 16 në Blloku, jo vetëm nuk ka asnjë reagim zyrtar nga Kryetari i Bashkisë, Erion Veliaj, por ai po bën gjithçka për të manipuluar opinionin publik.

Veliaj që s’ lë pemë, gur a stol pa propaganduar, vazhdon të fshihet pas urdhrave për manipulimin e dy ngjarjeve të rënda që nxorën në dritë sa të pasigurtë janë fëmijët në çerdhe dhe kopshtet e Tiranës.

Vartësit e Erion Veliaj në Shërbimin e Zjarrfikësve, në tejkalim kompetencash, pohuan atë që Erion Veliaj kishte paracaktuar që ditën e parë dhe që e deklaroi drejtoresha e çerdheve në bashki: se zjarrvënia është e qëllimshme dhe jo përgjegjësi e Bashkisë.

Provat qesharake se kanë gjetur një xham të thyer në një dhomë, ku shpërthimi i një bombole gazi kishte rrëzuar murin përtokë, ngjajnë me skenarin e Griseldës shtatzënë të rrëmbyer nga qeveria e Berishës, skenar të cilin Erion Veliaj e përhapi në Europë për të akuzuar Partinë Demokratike.

Ftojmë mediat të publikojnë të plotë deklaratën e datës 16 të drejtoreshës së çerdheve, e cila, me urdhrin e Erion Veliajt, siguroi prindrit se shpërthimi nuk ka ndodhur në çerdhe, se çerdhet nuk përdorin gaz dhe se ato janë të sigurta.

Në të dyja rastet, si drejtoresha e çerdheve, si zjarrfikësit, po manipulojnë të vërtetën, duke konsumuar disa vepra penale, për të fshehur përgjegjësinë e Erion Veliajt, njësoj siç u veprua edhe me fshehjen e vrasjes së 16 vjeçarit Ardit Gjoklaj në landfillin e Sharrës 2 vjet më parë.

Nëse e vërteta do të ishte kjo që po tenton të na imponojë Erion Veliaj, atëherë i gjithë shteti duhet të ishte në këmbë, sepse do të ishim përpara akteve të mirëfillta terroriste.

Heshtja e Erion Veliajt është provë e qartë e përgjegjësisë së tij direkte ligjore në mosverifikimin e sigurisë në çerdhe dhe që po rrezikon seriozisht jetën e fëmijëve.

· Në asnjë vend të botës një kryetar bashkie nuk do të heshtte për dy ngjarje kaq të rrezikshme për jetën e qindra vogëlushëve, siç po bën Erion Veliaj.

· Në çdo vend normal të botës, kryetari i bashkisë do të shkonte në çerdhet e përfshira nga zjarret dhe do të urdhëronte verifikimin urgjent të gjendjes.

– Por vetëm në një vend si Shqipëria, kryetari i bashkisë përdor fëmijët si fasadë dhe kapital politik, pavarësisht se cënon sigurinë e jetës së tyre.
Qytetarët e Tianës nuk meritojnë një kryebashkiak si Erjon Veliaj, që mashtron dhe vë në rrezik jetën e fëmijëve të Tiranës, për përfitime ekonomike e politike.?/ CNA.al