Dokumentet/ Ja si zhvaten taksat e shqiptarëve, buxheti i shtetit në duart e trafikantëve

23 Gusht 2018, 10:26, Aktualitet CNA

Partia Demokratike vijon akuzat ndaj kreut të grupit parlamentar të PS, Taulant Balla, në lidhje me biznesmenin Edmond Bego, i cili u kap disa ditë më parë nga autoritetet greke, por që më pas u lirua, pasi Interpol Roma konfirmoi se nuk ka cështje të hapur ligjore ndaj tij në Itali.

Në një dalje për mediat, paraditen e sotme deputeti i PD, Gent Strazimiri ka hedhur të tjera akuza ndaj Ballës, në lidhje me personin në fjalë.

Sipas Strazimirit, ?Që kur u bë mik familjar me Taulant Ballën, kompania e trafikantit të drogës u pagua 10 milionë euro si nënkontraktor për punimet në autostradën Tiranë – Elbasan.?.

Sipas Strazimirit, bashkëqeverisja e Edi Ramës me krimin mbetet e pacënuar dhe Shqipëria mbetet parajsë e krimit të organizuar.

Ndër të tjera, deputeti demokrat theksoi se ?Kjo qeveri ka vënë buxhetin e shtetit në shërbim të trafikantëve të drogës, të vrasësve, të dënuarve për përdhunim dhe trafik vajzash e fëmijësh?.

Deklarata e plotë e Strazimirit:

Tre vjet më parë, si në këtë kohë, i shtrenguar nga presioni ndërkombëtar, Edi Rama u detyrua të nxjerrë një nga një kriminelet e tij nga parlamenti. Por kjo ishte vetëm fasada, sepse bashkëqeverisja e Edi Ramës me krimin mbetet e pacënuar dhe Shqipëria parajsë e krimit të organizuar.

Kjo qeveri ka vënë buxhetin e shtetit në shërbim të trafikantëve të drogës, të vrasësve, të dënuarve për përdhunim dhe trafik vajzash e fëmijësh.

Dokumenti që Partia Demokratike publikoi dje për tenderin 1 miliardë lekë që miku trafikant droge i Taulant Ballës fitoi në Librazhd dy muaj më parë, është vetëm një nga shumë dokumentat zyrtarë që provojnë sesi taksat e shqiptarëve shkojnë për pasurimin e një grushti kriminelësh të lidhur me pushtetin.

Taulant Balla hesht, për të fshehur atë që e mendojnë të gjithë, se është ky personi i pushtetshëm që i ka siguruar trafikantit të drogës akses në paratë dhe pasuritë e shqiptarëve dhe se ky akses në miliona euro është burimi I miqësisë familjare që Taulant Balla ka me ish anëtarin e bandës së Lushnjës, që dikur luante futboll me kokat e prera.

1 miliardë lekët e dy muajve më parë për nënstacionin e Librazhdit janë shumë pak në krahasim më paratë e siguruara 3 vitet e fundit, jo nëpërmjet tenderave publikë, por si nënkontraktues i firmave private, që detyrohen nga I pushtetshmi i Partisë Socialiste t?i kalojnë paratë kompanisë së trafikantit të drogës.

Rasti më flagrant është ai i ndërtimit të autostradës së Elbasanit.

Partia Demokratike ka vërtetuar se kompania ?Inerte Express? e trafikantit të drogës dhe mikut të familjes së Taulant Ballës ka përfituar 10 milionë euro që nga viti 2015 deri më sot nga paratë e taksapaguesve shqiptarë.

Është kjo një nga arsyet pse gjendja për njerëzit e zakonshëm është përkeqësuar dhe mesatarisht 45 biznese mbyllen në ditë, që kur Edi Rama vendosi thundrën në ekonominë shqiptare.

Ti dyqanxhi, biznesmen shqiptar apo i huaj, që psherëtin në kafe dhe thua që leku ?është mçef?, kupto që leku nuk është fshehur! Ai shkon në xhepat e trafikantëve të drogës, biznesi i të cilëve shumëfishohet brenda ditës nën kujdesin e veçantë të Edi Ramës dhe taulantëve të tij./ CNA.al