web counter
LEXO PA REKLAMA!

SHKARKO APP

App Store
Google Play

E fundit!

x

Moraturiomi i pyjeve në kurriz të qytetarëve

23 Gusht 2018, 09:41, Aktualitet CNA

Sigurimi i druve të  zjarrit për ngrohje, për banorët në zonat rurale,  përbën një proçes jetësor , zgjidhjen e të cilit, këta banorë,  mundohen ta realizojnë që në periudhën e verës, kjo,  ndoshta është dhe arsyeja që hyrja në fuqi e ligjit të moratoriumit në pyje i cili nisi të zbatohej që  prej datës 11 shkurt 2016 , nuk u shoqërua me shumë  reagime.

Neni i parë i ligjit mëshon faktin e qëllimit të proçesit i cili synon ?Të reduktojë ndërhyrjet mbi fondin pyjor , të degraduar si pasojë e mbishfrytëzimit dhe dëmtimeve të tjera, për përmirësimin dhe rehabilitimin e gjendjes së tij? . Kjo padyshim është një e vërtetë e hidhur e cila fatkeqësisht bie gjithmonë në kurriz të njerëzve të thjeshtë , pasi qytetarit pogradecarë nuk ia ka falur kurrkush mundësinë për t?u ngrohur, ka sakrifikuar për ta fituar atë.

Po sa u kushton sot, ngrohja me dru zjarri familjeve pogradecare,  numri i të cilave arrin afërsisht shifrën 28.000 ( njëzetë e tetë mijë) dhe a  janë ato të afta , të përballojnë një nevojë të tillë !?

Me shpalljen e moratoriumit të pyjeve , sipas vendimit të qeverisë , shitja e materialit drusor të pyjeve publike, me qëllim ngrohjen e popullsisë, bëhët vetëm nga bashkitë, drejtpërsëdrejti  te popullata apo enti shtetëror, ndërkohë që transporti i lëndës drusore për ngrohje mund të realizohet nëpërmjet të kontraktuarit të saj nga venddepozitimi deri në destinacionin e blerësit .

Në pikën 11 të këtij vendimi përcaktohet se ? Sasia e lëndës drusore të prerë i dorëzohet bashkisë, e cila më pas e magazinon dhe e administron atë sipas planifikimeve të miratuara paraprakisht nga drejtoria përkatëse në Ministrinë e Mjedisit. Pas marrjes në dorëzim nga bashkia shitja e tij në pikat e depozitimit bëhet sipas tarifave të përcaktuara në vendimin nr.391 dt 21.3.2006 të Këshillit të Ministrave , ? Për përcaktimin e tarifave në sektorin e pyjeve dhe të kullotave? . Sipas tabelës së tarifës bazë të lëndës drusore (në këmbë) që shoqëron këtë vendim pika 1 a) përcakton dhe çmimin e lëndes drusore si ; ah për m3 (e mesme dhe e trashë mbi 22 cm vlerësohet me çmimin 2400 lekë , ndërsa çmimi i dushk-ut për m3 (e mesme dhe e trashë mbi 22 cm ) vlerësohet me çmimin 2700 lekë.

Por sot, në Pogradec në fushat e liçensuara lënda drusore kap dyfishin e tarifave të përcaktuara nga Këshilli i Ministrave, vlera të cilat variojnë për  drurin e ahut nga 4700 ( katërmijë e shtatëqind) lekë deri 5000 ( pesëmijë) lekë, ndersa druri i dushkut kap vlera akoma më të larta.

Kështu duke marrë parasysh se kostos të druve u shtohen shpenzime te tjera si ; trasporti i cili kushton 500 (pesëqind) lekë për tre m3 , sharrimi 200 ( dyqind) lekë për 1 m3, prerja 200 ( dyqind) lekë për 1 m3  dhe ngjitja 100 (njëqind) lekë për 1 m3  për çdo kat,  kostoja e ngrohjes  së  konsumatorit me lëndë drusore shkon shumëherë më tepër, afërsisht  6000 ( gjashtëmijë) lekë për m3 dru zjarri. Nga përvoja dihet  se,  për të plotësuar nevojat e ngrohjes me lëndë drusore ,  një  familje në Pogradec duhet të konsumojë mesatarisht 11 m3 dru,  sasi  e cila sot, arrin në vlerën 60.000 ( gjatëdhjete mijë ) lekë,  në këtë mënyrë çmimi i drurëve që shitet aktualisht në Pogradec kap  vlera  të barabarta me vendet e tjera të Ballkanit ku niveli i jetesës është më i lartë se në Shqiperi dhe qeveritë e këtyre vendeve zbatojnë politika lehtësuese në shërbim të qytetarëve, sikurse është dhe ulja e çmimit të energjisë elektrike gjatë natës ose gjatë fundjavës,   praktika të zbatuara  nga  shtetet  fqinje të rajonit tonë.

Pra a është e mundur që familja  pogradecare të përballojë një kosto të tillë, në një qytet ku  personat e deklaruar të cilët marrin asistencë sociale, arrijnë në shifrën 13.000 ( trembëdhjetë mijë) , ku papunësia është në rritje dhe  mungesa e investimeve në këtë sektor është shumë e ndjeshme , ku paga e puntorit në sektorin privat është minimale nga pamundësia e këtij  të fundit për të shlyer të gjitha detyrimet.  Po kështu  fitimet nga sektori turistik kapin vlera shumë të ulta  kjo, për shkak të faktorëve të ndryshëm,  sikurse është  tejzgjatja e punimeve  të rrugës nacionale Lin- Pogradec prej një periudhe kohore më shume se 5 vjeçare  dhe së fundmi të pezulluara për arsye burokratike, prej mungesës së pushuesve elitarë të cilët nuk duhet t?i falin qytetit vetëm zhurmën por dhe kënaqësinë, për mungesën e fondeve në fushën e turizmit dhe infrastrukturës si dhe  për mungesën e promovimit të duhur si nga ana e qeverisë po ashtu dhe nga pushteti lokal etj.

Pogradecarët janë puntorë e të kulturuar, të cilët meritojnë vëmendje dhe respekt të veçantë e që shpeshherë karakterizohen si njerëz të butë,  një butësi që ndoshta ata dinë  ta shfrytëzojnë shumë mirë  atëherë kur duhet e ku duhet./ Shkruar nga Spartak Dikellari-CNA.al





Lajmet e fundit nga