web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtarët e Apelit në panik nga Vettingu/ Refuzojnë të kandidojnë për në KLGJ

23 Gusht 2018, 06:42, Aktualitet CNA

Shkarkimet e Komisionit të Pavarur të Kualifikimit bënë që ngritja e Këshillit të Lartë Gjyqësor dhe Këshillit të Lartë të Prokurorisë të shtyhet.

Ligji e përcakton që KLGJ duhet të ketë 11 anëtarë, nga të cilët 5 duhet t?i përkasin avokatisë, trupës pedagogjike dhe shoqërisë civile, ndërsa 6 të tjerët zgjidhen nga radhët e gjyqtarëve.

Nga këta 6 anëtarë, 3 duhet të vijnë nga gjykatat e Shkallës së parë, 1 nga Gjykata e Lartë dhe 2 prej tyre nga gjykatat e Apelit. Por ligji ka një specifikë ku shprehet se mes emrave të gjykatave të Apelit dhe Shkallës së Parë, duhet të ketë gjyqtarë nga Tirana dhe rrethet.

Mirëpo, përfaqësuesi i Gjykatave të Apelit të rretheve, më konkretisht gjyqtari i Gjykatës së Apelit të Durrësit, Besim Trezhnjeva u shkarkua nga Komisioni i Pavarur i Kualifikimit. Kjo ka bërë që gara të hapet sërish. Në 31 korrik Gjykata e Lartë ka ftuar gjykatësit e Apelit në rrethe të kandidojnë për anëtarë në Këshillin e Lartë Gjyqësor.

Por mesa duket gjykatësit e Apeleve në rrethe janë të trembut nga Vettingu, pasi deri më sot nuk ka pasur asnjë aplikim.-shkruan gazeta Sot.

Për këtë arsye ditën e djeshme kjo gjykatë ka hapur sërish garën për anëtar të KLGJ. Kjo është thirrja e dytë që bën Gjykata e Lartë për këtë pozicion dhe në rast se edhe pas thirrjes së dytë nuk paraqiten kandidatë nga shkallët e papërfaqësuara të gjyqësorit, zgjedhja e tyre bëhet me short nga radhët e gjyqtarëve që kanë kandiduar për vendin vakant.





Lajmet e fundit nga