web counter
LEXO PA REKLAMA!

SHKARKO APP

App Store
Google Play

Votimi i pr.ligjit për Magjistraturën/ PD i vë kushte Ramës

23 Gusht 2018, 10:46, Aktualitet CNA

Dy ditë më parë në një dalje mediatike, kreu i grupit parlamentar të PS, Taulant Balla i bëri një ftesë të hapur opozitës, për të votuar pr.ligjin për Magjistraturën.

Por, demokratët duket se vijojnë t?ju qëndrojnë 7 kushteve të paraqitura më parë nga kreu i PD-së, Lulzim Basha.

Në një reagim të dhënë për ?Sot? kreu i grupit parlamentar i PD, Edmond Spaho si dhe deputetët Tritan Shehu dhe Luçiano Boçi pohuan se dhënia e konsensusit do të thellonte akoma më shumë ngërçin në drejtësi.

Sipas kreut të grupit parlamentar të PD, Edmond Spaho, Partia Demokratike do të vijojë t?i qëndrojë 7 kushteve të propozuara nga Basha, duke lënë të nënkuptohet se nuk do të ketë asnjë bashkëpunim me socialistët.

Sipas Tritan Shehut e vetmja rrugë për të mos thelluar akoma më shumë ngërçin në drejtësi është ajo e ridiskutimit të 6 ligjeve të rrëzuara nga Gjykata Kushtetuese si dhe ribërja e tyre me konsensus.

?Nuk mund të diskutohet vetëm një element që lidhet me pasojat negative që krijoi miratimi i 6 ligjeve jashtë konsensusit të rënë dakord kur u bënë ndryshimet kushtetuese. Kjo do ta thellonte më shumë dëmin e krijuar.

Rruga është: ridiskutimi i 6 ligjeve e ribërja e tyre me konsensus, dalja siç e kërkon kushtetuta e çështjes së Prokurorit Përgjithshëm.

Pra kërkohet një rishikim i plotë e i gjerë mbi bazën e ndryshimeve kushtetuese të bëra me konsensus dhe frymën e tyre?, deklaroi deputeti Tritan Shehu.

Deputeti demokrat Luçiano Boçi, duke qëndruar në të njëjtën linjë si dy kolegët e tij, theksoi se 7 kushtet e propozuara nga Basha janë e vetmja rrugë që çojnë në ngritjen e institucioneve të reformës në drejtësi.

Ultimatum Qeverisë/ Zbardhen shtatë pikat e paketës ?Basha?

 





Lajmet e fundit nga