web counter
LEXO PA REKLAMA!

SHKARKO APP

App Store
Google Play

E fundit!

x

Habit avokat Ngjela/ "Rama fshehu Skënderbeun në pyll mos ta shihte Erdogani"

23 Gusht 2018, 19:35, Aktualitet CNA

Avokati i njohur Spartak Ngjela, ka folur në lidhje me influencën e presidentit turk, Recep Tayip Erdogan në politikën shqiptare.

Në një postim në rrjetet sociale, Ngjela është shprehur se politikanët shqiptarë, të cilët i quan batakçinj, heshtin kur Erdogan, e quan tradhëtar heroin tonë kombëtar, Gjergj Kastriot Skënderbeun.

Sipas tij, figura e heroit tonë kombëtar, është sindromi më i madh antishqiptar në Stamboll, Athinë dhe Beograd.

Ngjela ka shtuar më tej se për shkak të vizitës së Erdogan në Shqipëri, kryeministri Edi Rama, e ka futur monumentin e Skëndërbeut në pyll, në mënyrë që presidenti turk të mos e shohë.

Postimi i plotë

E gjithë kjo ka ndodhur në histori sepse Turqia osmane u hakmorr për Gjergj Kastriot Skënderbeun deri ne fund: mohoi gjuhën shqipe, vrau periodikisht gjithmonë krerët patriotë shqiptarë, goditi fenë e shqiptarëve dhe nuk pranoi të hapë asnjë shkollë shqipë në territoret shqiptare.

Pas humbjes në muret e Krujës, në shtator-tetor të vitit1450, i tmerrurar nga humbja e thellë që i shkaktoi Skënderbeu 100 mijë ushtarëve të tij, nën rënie fuqish dhe me hemoragji cerebrale, vdiq Sulltan Murati i Dytë, në 3 shkurt të vitit 1451. Në këtë kohë për grua Murati i II-të kishte serben Mara Brankoviç, vajzën e princit të Pricipatës Serbe. (!)

I biri Muratit të Il-të, që erdhi e u bë Sulltan Mehmeti i Dytë, u betua në varrin e tij: ” unë do t’i shkrij arnautët. Fli i qëtë im atë, se unë do të ta marr hakun”.

Dhe kjo vijoi deri në vitin 1913… kur gjymtuan Shqipërinë, të gjithë bashkë: otomanë, rusë e francezë.
Të gjithë këta, në fakt, i ka trembur gjithëherë: Gjuha Shqipe dhe Gjergj Kastriot Skënderbeu.
Ky është sindromi i tyre, se këtu ka konsistuar si i qenë në fakt, së pari, sindromi “arnaut” i Sulltanëve Osmanë. Po ky është ende sot sindromi antishqiptar edhe në Stamboll, edhe në Beograd, edhe në Athinë.

Erdogani i thotë kryeministrave shqiptarë për Skënderbeun: “pse e mbani ende këtë tradhëtar”. Dhe këta batakçinj politikë, heshtin se mendojnë të garantojnë gjënë e vjedhur me anë të kryeministrit turk dhe kundër Amerikës.

Këtë i thotë Erdogani edhe Edi Ramës, i cili sot e ka futur monumenti e Skënderbeut në pyll, që, kur të vijë Erdogani në Tiranë të mos e shohë. Madje, prandaj Rama e ndaloi edhe qarkullimin në Sheshin Skënderbe, që të margjinalizojë figurën e Gjergj Kastriot Skënderbeut. Po, një mësues vizatimi pa mend në kokë, vërtet mendon se mund të margjinalizojë Gjergj Kastriot Skënderbeun për një neoosman si Erdogani!! Që pastaj, të ecë i qetë ky kur të vijë në Tiranë. Po, a do vijë dot më vallë në Tiranë Erdogani, i cili tani nuk di se ku e ka kokën? /CNA.al





Lajmet e fundit nga