E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Financieri i Habilajve drejt lirisë/ “Kafe me Arta Markun dhe Etilda Gjonajn”

23 Gusht 2018, 14:26, Aktualitet CNA

Sot, Gjykata e Katanias ka lënë pothuajse të lirë, në kushtet e arrestit të shtëpisë, Nezar Seitajn, i njohur ndryshe si financieri i Habilajve.

Kjo masë është ndërmarrë ndaj tij, pas 8 muajsh kohë që u ekstradua nga Shqipëria për në Itali.

Ekstradimi i tij ngriti një sërë pikëpyetjesh, pasi Seitaj, ishte nën hetim dhe nga organi i akuzës në Shqipëri.

Rasti u cilësua si i paprecedentë në drejtësinë shqiptare, pasi një dyshuar për trafik ndërkombëtar droge në rrethin e një grupi të strukturuar kriminal, u ekstradua drejt një shteti tjetër pa u hetuar më parë nga organi i akuzës në Shqipëri.

Në lojën e ekstradimit ishin të përfshirë një sërë aktorësh, duke filluar nga Prokuroria e Përgjithshme, Prokuroria për Krime të Rënda, Prokuroria e Tiranës, Drejtoria e Përgjithshme e Burgjeve dhe Ministria e Drejtësisë.

Ekstradimi, u cilësua njëzëri si i jashtëligjshëm, por ende askush nuk ka dhënë përgjegjësi për këtë rast.

Ai u ekstradua me një procedure ekstra procedurale, me firmën e ministres së Drejtësisë Etilda Gjonaj, e cila injoroi vendimet e gjykatave që kishin lënë në burg Seitaj.

Një vendim i gjykatës së shkallës së parë, një vendim i gjykatës së Apelit për Krime të Rënda si dhe një vendim i Gjykatës së Lartë u shkelën me të dyja këmbët nga ministrja e Gjonaj.

Por, në njoftimin për media të Ministrisë së Drejtësisë, fillimisht tha se nuk kishte informacion nga Prokuroria e Përgjithshme lidhur me masën e sigurisë, vendosur nga Gjykata për Krime të Rënda.

Ndërsa, më vonë, Ministrja e Drejtësisë, Etilda Gjonaj, me anë të një statusi në rrjetet sociale, ka deklaruar se gjithçka është bërë në zbatim të vendimeve të gjykatave shqiptare dhe kërkesës për ekstradim nga Ministria e Drejtësisë italiane, konform ligjeve dhe akteve ndërkombëtare.

Por,Gjonaj qëllimisht ose jo injoron nenin 500 të Kodit të Procedurës Penale. I njëjti nen detyron Ministrinë e Drejtësisë që të pezullojë dhe shtyjë në kohë ekstradimin e një shtetasi, nëse ndaj tij ka një masë sigurimi dhe është nën hetim ose në pritje të gjykimit nga autoritetet shqiptare.

Nga ana tjetër, nga Prokuroria e Përgjithshme, më herët u tha që kanë nisur hetime, por gjithçka duket se ka qenë, për të hedhur mjegull në opinionin publik.

?Në mbështetje të nenit 160 pika 5, në lidhje me Kreun V, të Ligjit nr. 96/2016 ?Për Satusin e Gjyqtarëve dhe Prokurorëve në Republikën e Shqipërisë?, të fillojë hetimin disiplinor për rastin, për të nxjerrë përgjegjësitë disiplinore nëse ka, të prokurorëve që kanë trajtuar çështjet në Prokurorinë Pranë Gjykatës së Shkallës së Parë dhe Prokurorinë Për Krime të Rënda.

Të dërgojë aktet në Prokurorinë Pranë Gjykatës së Shkallës së Parë Durrës dhe t?i kërkojë asaj prokurorie regjistrimin e procedimit penal, për të hetuar rastin dhe për të vënë para përgjegjësisë penale cilindo që mund të ketë shkelur ligjin.

T?i kërkojë Këshillit të Lartë të Drejtësisë, të verifikojë procesin gjyqësor të ekstradimit të zhvilluar në Gjykatën e Rrethit Gjyqësor Tiranë nëse, gjatë gjykimit të çështjes ka shkelje të karakterit procedural?, thuhet në njoftimin për media të Prokurorisë së Përgjithshme,të datës 26 janar 2018.

Por, kanë kaluar tetë muaj, dhe asgjë s ?ka ndodhur, Nezar Seitaj po shkon drejt lirisë dhe përgjegjësve të esktradimit nuk iu hyri gjemb në këmbë.

Kështu nuk është çudi që ndonjë ditë, kur të jetë plotësisht i lirë, Nezar Seitaj të thërrasë për kafe Prokuroren e Përgjithshme të Përkohshme Arta Marku apo dhe Ministren e Drejtësisë Etilda Gjonaj për t?i falënderuar, në këmbim të lirisë.

Një ?financier? i bën mirë llogaritë, dhe kështu duket se ka ndodhur edhe në këtë rast./CNA.al