web counter
LEXO PA REKLAMA!

SHKARKO APP

App Store
Google Play

Aksidenti tragjik/ Identifikohen dy viktimat

22 Gusht 2018, 06:43, Aktualitet CNA

Një aksident i rëndë ka ndodhur rreth orës 02:00 të natës së mbrëmshme në aksin rrugor Shkodër-Lezhë, në afërsi të fshatit Dajç.

Mësohet se një automjet tip ?Benz? me targa AA929FF është përplasur me një kamion dhe si pasojë kanë humbur jetën dy të rinj.

Viktimat janë identifikuar si Gentian Toma, 32 vjeç si dhe  Robert Ejlli, 23 vjeç.

Burimet bëjnë të ditur se automjeti tip ?Benz?, ku udhëtonin dy viktimat ka goditur nga prapa një kamion tip ?IFA? me targa LE 3364 A., duke sjellë pasoja fatale për dy të rinjtë.

Policia dhe grupi hetimor kanë mbërritur në vendin e ngjarjes dhe po hetojnë për zbardhjen e plotë të shkaqeve të aksidentit.

“Më datë 22.08.2018, rreth orës 01:40, në supërstradën Lezhë – Shkodër, në vendin e quajtur “Ura e Dajçit”, është marrë njoftim se ka ndodhur një aksident automobilistik, ku mjeti tip “Benz” me targa AA 929 FF me drejtues shtetasin G.T. 32 vjeç, banues në Mabë – Lezhë, ka goditur nga mbrapa mjetin tip “IFA” me targa LE 3364 A me drejtues shtetasin E.B. 19 vjeç, banues në Lezhë.

Për pasojë kanë humbur jetën drejtuesi i mjetit “Benz” shtetasi G.T. dhe pasagjeri po në këtë mjet shtetasi R.E. 23 vjeç, banues në Mabë – Lezhë.

Grupi hetimor nën drejtimin e  Prokurorisë së Rrethit Gjyqësor Lezhë, vazhdojnë hetimet për zbardhjen e plotë të shkaqeve të aksidentit.”-thuhet në njoftimin e policisë./ CNA.al





Lajmet e fundit nga