web counter
LEXO PA REKLAMA!

SHKARKO APP

App Store
Google Play

Meta uron shqiptarët për Bajram

20 Gusht 2018, 17:39, Aktualitet CNA

Presidenti i Shqipërisë, Ilir Meta ka uruar besimtarët myslimanë për festën e Bajramit.

Në një postim në rrjetet sociale, Meta është shprehur se kjo ditë është simbol i sakrificës sublime.

Ndër të tjera Presidenti ka thënë, se kjo festë, përjetëson bashkëjetesen fetare, që e ka karakterizuar kombin tonë prej shekujsh.

Postimi i plotë

Të dashur besimtarë myslimanë shqiptarë!
Dita e shenjtë e Kurban Bajramit na kujton ripërtëritjen e ndjenjave të besimit, të devotshmërisë, të thjeshtësisë e të përuljes para të Plotfuqishmit.
Kjo ditë feste e bashkimi, simbol i sakrificës sublime, thekson besimin e patjetërsueshëm ndaj vlerave më të mira fetare e njerëzore, duke na ftuar të ndajmë begatinë tonë me më të vobektit, me më të pafatët dhe me ata që gjenden në nevojë.
Mbi gjithçka kjo Festë përjetëson e vërteton harmoninë dhe bashkëjetesën fetare proverbiale, që e ka karakterizuar kombin tonë prej shekujsh.

Në këtë ditë të shenjtë dëshiroj të uroj besimtarët myslimanë shqiptarë kudo ndodhen:

Gëzuar dhe përshumëvjet Festën e Kurban Bajramit!

Ju uroj nga zemra sa më shumë mirësi, solidaritet, mirëkuptim e dashuri në familjet tuaja si dhe mes njëri-tjetrit, të gjithë shqiptarëve kudo ku jetojnë!
Sa më tepër paqe, tolerancë, mirëbesim e begati!
Zoti i ndihmoftë shqiptarët dhe Shqipërinë për jetë të jetëve. /CNA.al

 





Lajmet e fundit nga