Afrimi i shtatorit/ Plas lufta në PS, ja klanet që goditen

20 Gusht 2018, 16:35, Aktualitet CNA

Në shtator kryeministri Edi Rama pritet të skanojë ministrat për rezultate konkrete dhe për gjithçka ata kanë bërë apo nuk kanë bërë gjatë një viti.

CNA.al ka mësuar se janë disa ministra që mund të largohen, por përpara vendimeve të Ramës, në PS ka plasur lufta.

Shtatori do të jetë i nxehtë për socialistët dhe pritet një përplasje e ashpër me rikthimin në skenë të ish-ministrit të Brendshëm, Saimir Tahiri.

Ai ka heshtur, por mbyllja e çështjeve ligjore, do të sjellë një rikthim të tij, ç?ka mund të sjellë edhe përplasje me ministrin aktual të Brendshëm, Fatmir Xhafaj si dhe kryebashkiakun Erion Veliaj.

Tahiri është nga ata politikanë që mund të godasë nga poshtë dhe tashmë është i vetëdishëm për ata që e sulmuan, përfshirë Xhafajn i cili donte ta “shkrinte”, apo Veliaj, i cili investoi në media për ?shpartallimin? e Tahirit.

Ish ministri i Brendshëm më afatgjatë pritet të sjellë turbullira të forta në PS. Tahiri ka shumë mbështetje në bazën e PS, ndërsa brenda strukturave ka më shumë mbështetje se Xhafaj dhe Veliaj, të marrë së bashku.

Nga ana tjetër, Ilir Beqja, ish-ministri i Shëndetësisë, ka filluar një betejë kundër ministres së re, Ogerta Manastirlu. Shpesh në media serviren informacione të dala nga zyra e Beqes, të cilit nuk i ndahet shpirti nga Ministria e Shëndetësisë, nga ku u largua me jo pak akuza dhe skandale.

E ndërsa klanet në PS kanë filluar, një përplasje duket edhe me ministrin e Bujqësisë, Niko Peleshi. Ky përtej përballjeve ka zgjedhur të heshtë, megjithëse nga pas sulmeve, qëndron jo vetëm Erion Braçe, por edhe eksponentë të tjerë të rëndësishëm në PS.

Braçes, një vit më parë ju propozua posti i Ministrisë së Bujqësisë, por më pas ai e ?humbi? atë rrugës. Qejfmbetja e Braçes u reflektua edhe në Komisionin e Ekonomisë, ku janë parë përplasje të forta të tij me ministrat e qeverisë.

Deri në Asamblenë e PS, gjithçka pritet ta organizojë Taulant Balla. Ky i fundit, tashmë numri dy në PS, duket të ketë ngelur i kënaqur me postin politik, por në krah të Gramoz Ruçit ai është nga rrymat më të forta në PS që kërkojnë të kenë përfaqësimin e tyre në qeveri.

Disa ministra pritet të largohen dhe shtatori do të jetë ?shkundja? që Edi Rama do t?i bëjë qeverisë. Këto ndryshime kanë turbulluar ujërat në selinë e Rilindjes midis disa klaneve apo grupimeve të brendshme.

Në fakt, i vetmi klan që vendos për gjithçka dhe këdo është një emër i vetëm dhe ai quhet Edi Rama. Të tjerët përpiqen të shikojnë ëndërra me betejat e tyre. Një shtator me surpriza dhe përplasje për socialistët dhe asgjë më tepër se kaq./ CNA.al