E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Raporti i CIA-s për Shqipërinë/ Reagon Ministria e Brendshme

20 Gusht 2018, 16:58, Aktualitet CNA

Ministria e Brendshme ka reaguar në lidhje me lajmet e publikuara ditën e sotme në media, në lidhje me raportin e CIA-s për Shqipërinë, për situatën në vend.

Në reagim thuhet se të gjitha lajmet që qarkullojnë në media, janë të pasakta dhe keq-orientuese për publikun.

Ministria e Brendshme ka sqaruar, se nuk ka ndonjë raport specifik të kësaj organizate për Shqipërinë të publikuar në ditët e fundit.

Në reagim thuhet gjithashtu se raporti i fundit për Shqipërinë është publikuar më 13 dhjetor të 2017-ës.

Reagimi i plotë

Reagim i MB-së për lajmet mbi një publikim të CIA-s

Ministria e Brendshme sqaron se lajmi i dalë në media në lidhje me publikimin e një raporti të ri të CIA-s mbi situatën e sigurisë në Shqipëri, është i pasaktë dhe keq-orientues për publikun.

Sqarojmë se nuk ka ndonjë raport specifik të kësaj organizate të publikuar në ditët e fundit në lidhje me situatën në Shqipëri.

?The World Factbook?, është i publikuar në faqen zyrtare të CIA-s. Ky është një produkt i kësaj organizate që përditësohet në mënyrë të përjavshme dhe përmbajtja është lehtësisht e aksesueshme online. Pra, megjithëse përditësimi i fundit është i datës 14 gusht 2018, theksojmë se ky është një përditësim i ?Factbook? si i tërë dhe jo i të dhënave specifike për Shqipërinë.

Aktualisht për Shqipërinë, ?Factbook? ka të njëjtën përmbajtje me atë të vitit 2017 dhe ky tekst, me ndryshime të vogla, është pothuajse i njëjtë me atë të publikuar gjatë periudhës 2007-2016. Bashkëlidhur me këtë njoftim përcjellim edhe fotot ?print-screen? të faqeve përkatëse të ?Factbook? sipas viteve.

Spekulimet politike për të prodhuar me çdo kusht lajme negative njollosin dhe cënojnë drejtpërdrejt punën dhe sakrificat e punonjësve të Policisë së Shtetit.

Ministria e Brendshme ka qenë dhe mbetet e hapur dhe transparente me median duke informuar me korrektesë për ngjarje që kanë të bëjnë me luftën kundër paligjshmërisë e kriminalitetit. /CNA.al