web counter
LEXO PA REKLAMA!

SHKARKO APP

App Store
Google Play

E fundit!

x

Skandal/ Policët e patrullave në Durrës marrin rryshfet nga sazexhinjtë e lagjeve

13 Gusht 2018, 21:49, Aktualitet CNA

Prej disa netësh banorët e plazhit apo dhe lagjeve të qytetit të Durrësit po ankohen dhe shprehen të indinjuar ndaj sjelljes dhe veprimeve antiligjore dhe korruptive të policisë.

Tashmë jo vetëm lagja 13 ose siç njihet ndryshe zona e Plazhit po përjeton ndotje të madhe akustike, por kjo po ndodh edhe me lagjet e tjera të qytetit bregdetar.

Disa banorë të lagjes 16 u shprehen per “CNA” se “mirë dasmat por nuk po na lenë rehat të flemë natën as sazexhinjte e rakisë. Edhe pse njoftojmë policinë në 23.00 apo pasmesnate përgjigja e saj është sa e paedukatë aq edhe kompromentuese.

“Ka dasëm. Ik mos i bjer më telefonit”. Kjo përgjigje i shkon për shtat vetëm halabakëve por jo uniformave  blu”.

Policia  e Durrësit  shpesh është akuzuar dhe denoncuar nga qytetarët si e implikuar në afera të pista por të merrte në mbrojtje edhe sazexhinjtë e rakisë kjo nuk kishte ndodhur.

Tashmë policia në Durrës jo vetëm plazhin nuk e ka nën kontroll por ajo nuk kontrollon dot as lagjet e tjera të qytetit. Lind pyetja. Si mund ti besosh kësaj policie të sigurojë rend dhe qetësi për qytetarët kur ajo e ka detyrim  ligjor dhe paguhet nga taksat e tyre? /CNA.al





Lajmet e fundit nga