web counter
LEXO PA REKLAMA!

SHKARKO APP

App Store
Google Play

Berisha thirrje për revolucion/ Luli vijon pushimet

13 Gusht 2018, 13:48, Aktualitet CNA

Ish-kryeministri dhe lideri historik i Partisë Demokratike, Sali Berisha, ndërsa ka reaguar në lidhje me protestat në Rumani, ka bërë thirrje për përmbysjen e regjimit të majtë në Shqipëri.

Në një postim në faqen e tij në rrjetet sociale, Berisha fton të gjithë qytetarët shqiptarë të ngrihen në një revolucion mbarëpopullor kundër qeverisë.

?Gushti rumun dhe shtatori shqiptar!

Te dashur miq, prej disa ditesh qytetaret rumune jane ngritur ne nje revolucion te fuqishem popullor ne Bukuresht dhe mbare Rumanine, per permbysjen e rregjimit kleptokratik te majte.

Duke shprehur admirimin dhe solidaritetin tim me te madh per qytetaret rumun dhe revolucionin e tyre, ftoj qytetaret shqiptare te ngrihemi dhe ne, ne nje revolucion mbare popullor, per te permbysur narkoshtetin dhe rregjimin kleptokratik ne Shqiperi.

Le te shnderrojme ne shtatorin qe vjen, ne shtatorin me te madh te historise tone. Fitore! Sb?-shkruan Berisha në postimin e tij.

Por, ai që duhet të protestojë fort dhe të ngrejë zërin kundër kësaj qeverie, kreu aktual i PD, ka marrë pushimet.

Duke qënë se Basha është lodhur shumë gjatë këtij viti duke bërë zjarrfikësin e urrejtjes popullore kundër Ramës, kjo e vërtetuar më shumë se një herë, tashmë ka marrë pushimet. Në fillim shkoi të ujiste tulipanët dhe të ajroste vilën e tij në Hollandë, ndërsa tani po merr ca rreze dielli në bregdet./ CNA.al





Lajmet e fundit nga