Lufta për arsimin/ Kush është fondacioni Maarif, vegla e Erdoganit që po mësyn në Shqipëri

13 Gusht 2018, 18:02, Aktualitet CNA

Një vit më parë Respublika do të publikonte një artikull të gjatë dhe të plotë, për fondacionin Maarif, materiale të mbledhura nga disa media të cilat i referoheshin Stokholm Center for Freedom(SCF), i cili publikonte një opinion të autorit Abdullah Bozkurt, që i dedikohej fondacionit Maarif.

Sipas këtij autori, fondacioni në fjalë është një strukturë gjigande me synime edukative dhe fetare pas të cilit qëndrojnë ambiciet e presidentit turk, Erdogan, për përhapjen e islamit politik dhe ndikimit turk.

Linku i mëposhtëm i shkrimit të Qëndrës në Stokholm për Liri, që e quan fondacionin Maarif, ?Kalin e Trojës të Erdoganit?. https://stockholmcf.org/commentary-turkeys-maarif-foundation-erdogans-trojan-horse/

Shkrimi jep të dhëna të plota sesi qeveria turke dhe presidenti Erdogan tregojnë qartë qëllimin e tyre që këtë fondacion ta përdorin për ekspansion arsimor, për të shpërndarë islamizmin e Erdoganit, por edhe për të luftuar rrjetin arsimor për të ?luftuar? rrjetin arsimor Fethullah Gulen.

Ndërtimi i këtij fondacioni tërhoqi vëmendjen e medias zyrtare të Fethullah Gulen, Hizmet Movement. Në një shkrim të janarit të 2017-ës, rreth nëntë muaj përpara artikullit të Fondacionit Sudedez për Liri shkruhet se ISIS është infiltruar te fondacioni Maarif i Erdoganit. Sillet rasti nga Shqipëria si dhe disa argumenta. http://hizmetnews.com/21150/isis-infiltrates-erdogans-maarif-foundation/#.wa_h8MhJbIV,

Një betejë e hapur e lëvizjes Hizmet me fondacionin Maarif .

?Në Turqi, institucionet e kësaj lëvizjeje kudo që ndodhen u kërkua të kalonin në varësi të fondacionit Maarif, kështu shkollat Gulen kalonin nën kontrollin e Erdoganit, pasi ky i fundit një vit më parë caktoi në krye të fondacionit të gjithë besnikët e vet?-thekson në shkrimin e tij Abdullah Bozkurt, në Fondacionin Suedez të Lirisë.

Diku, lëvizja e Hizmet e akuzon për infiltrim të ISIS, diku e quan ?Kalë Troje?. Një vit më parë një buletin theksonte se fondacioni kishte blerë CTI, (Canadian Technology Institute). Më poshtë të dhënat e plota. http://www.worldbulletin.net/africa/189391/maarif-foundation-will-launch-its-first-university-in-albania

Fondacioni Maarif duket se ka ardhur me një qëllim të qartë në Shqipëri. Një ?Kalë i vërtetë Troje?, një instrument kamikaz që muajt e fundit po tenton të blejë gjithçka në arsimin shqiptar.

Mediat e huaja, sipas raportit në linkun e mësipërm raportuan një vit më parë blerjen e CTI, ndërkohë që disa ditë më parë shkolla private ?Udha e Shkronjave? pati një reagim në rrjetet sociale, në lidhje me fondacionin Maarif dhe blerjet e këtij të fundit në arsimin privat në Shqipëri.

Më pas CNA.al investigoi dhe solli jo pak detaje të cilat do ti gjeni në linqet e mëposhtme. Ministrja e Arsimit, Lindita Nikolla dhe vetë institucioni heshtën, ndërkohë sot CNA.al raportoi shitjen e University of New York Tirana tek Maarif.

Qartazi Maarif është fondacioni i Erdoganit, për të shpërndarë ideologjinë e tij dhe për të luftuar institucionet arsimore të Fethullah Gulen. Lufta e presidentit turk dhe armikut të tij kanë zbritur në Tiranë. Në Shqipëri përtej betejës politike shqiptare, kemi edhe betejën e politikës turke, që po përplas brirët për të rrëmbyer ctë mundë dhe për të vënë në kontroll arsimin shqiptar çka duket qartë në raportet e fundit dhe atë çfarë thamë më lart.

Ekskluzive/ Erdogani ble University of New York Tirana

Sulmi i Erdoganit dhe turqve në shkollat shqipe/ Ministrja Nikolla hesht për skandalin

Turqit e Erdoganit tërheqin zvarrë Lindita Nikollën

Si Erdogani dhe Turqit po kontrollojnë sistemin financiar dhe arsimor shqiptar?

Erdogani dhe turqit sulmojnë shkollat shqipe