E fundit!

11:24 Aktualitet

Bordi i Transparencës merr vendimin/ Ja çmimet e reja për karburantet

Bordi i Transparencës ka njoftuar se çmimi i shitjes me pa...

Aksioni opozitar/ Zbulohet plani i LSI

10 Gusht 2018, 14:46, Aktualitet CNA

Kreu i Grupi Parlamentar të LSI ka zbuluar planin e opozitës për shtatorin.

I ftuar në Report TV, Vasili është shprehur se opozita do të luftojë për të ndaluar hajdutërinë dhe korrupsionin e Qeverisë.

Sipas tij, sulmi ndaj të gjitha pushteteve, siç ndodhi në ligjin për Teatrin, na ka rikthyer në mos-shtet dhe ka krijuar një destabilitet ekonomik.

Ndër të tjera Vasili ka shtuar se opozita do të luftojë deri në fund, për të rikthyer normalitetin dhe për të shpëtuar reformën në drejtësi.

Pjesë nga intervista

Në shtator pritet lufta politike e zakonshme. Nuk e di se si do jetë ky shtator ndryshe nga të tjerët ose nga se u mbyll viti. Cili do të jetë aksioni opozitar?
Duhet ta kuptoni që nuk është se në shtator fillon një betejë politike, një luftë apo një përplasje. Në shtator është një ndarje e qartë dhe pa asnjë kompromis me çështje të mëdha, të cilat i mbolli ky vit i parë i dështuar i qeverisjes së këtij vendi, ku prodhoi mjaft korrupsion, destabilitet ekonomik shumë të rëndë, hajdutëri shtetërore siç janë koncesionet pafund që jepen dhe vazhdojnë të jepen.

Ju keni parë që kilometri i rrugës nëpër koncesione ka arritur të jetë 8 apo 10-fish më i lartë. Pra, një hajdutëri e shfrenuar e pandalshme. Probleme të tilla të atakimit të të gjitha pushteteve siç qe rasti i ligjt për teatrin, i cili rrëzoi pushtetin lokal, prodhoi ligje speciale si në `45, ligji i tatimit të jashtëzakonshëm që u rrëmbente të pasurve paratë.

Pra, ka një rikthim në një `mos-shtet` dhe në një destabilitet ekonomik me pasoja shumë të rrezikshme. Shqipëria ka hyrë në një kolaps ekonomik, politik dhe shoqëror. Të gjitha këto presin një përgjigje shumë të fortë. Nuk mund të vijnë nga qeveria, por është detyra e opozitës që të luftojë deri në fund, pa asnjë kompromis për kthimin në normalitet dhe për të shpëtuar shtetin ligjor dhe Reformën në Drejtësi. Siç e shikoni, ne jemi në një moment ku të gjitha pushteteve u është këputur koka. /CNA.al