E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Policia "tund" prangat/ Arrestohen 8 shtetas.

7 Gusht 2018, 12:56, Aktualitet CNA

Policia e Dibrës ka vijuar aksionin në arrestimin e shtetasve të cilët janë në kundërshtim me ligjin.

Policia arrestoi 4 shtetas dhe proçedoi penalisht një tjetër.

Më tej policia në njoftimin e bërë është shprehur se një shtetas i cili ishte shpallur në kërkim është arrestuar. Ky i fundit është dënuar me 3 vite burgim.

Një shtetas tjetër është kapur duke transportuar 8 metër kub lëndë drusore pa dokumentacion përkatës.

Janë arrestuar dhe 2 shtetas të tjerë pasi drejtonin automjetet në gjendje të dehur si dhe po ndiqet penalisht në gjendje të lirë një tjetër shtetas pasi drejtonte një motorçikletë pa targa dhe pa u pajisur me leje drejtimi.

Njoftimi i policisë:

Nga Strukturat e Drejtorisë Vendore të Policisë Dibër u kap shtetasi i shpallur në kërkim :

A.Ç, 47 vjeç, banues në Peshkopi. Kapja dhe ndalimi i tij u bë pasi Gjykata e Rrethit Gjyqësor Dibër e ka dënuar me 3 vjet e 4 muaj burgim për veprën penale ?Prodhim dhe shitje të lëndëve narkotike?, parashikuar nga neni 283/1 i Kodit Penal, të cilit i ka mbetur pa vuajtur 1 (një) vit e 9 (nëntë) muaj e 12 (dymbëdhjetë) ditë burgim.

Shërbimet e Komisariatit të Policisë Bulqizë, në vijim të punës për parandalimin dhe goditjen e prerjes së paligjshme të pyjeve kanë evidentuar dhe goditur një tjetër rast, ku është arrestuar në flagrancë shtetasi

G, 44 vjeç, banues në Martanesh-Bulqizë, pasi në vendin e quajtur Ballenjë, në Martanesh, është kapur duke transportuar 8 metër kub lëndë drusore me automjetin tip ?Ifa?, pa dokumentacion përkatës. Neni 205 , i Kodit Penal.

Shërbimet e Policisë Rrugore Dibër, në zbatim të Planit të masave për parandalimin e aksidenteve rrugore, kanë organizuar punën duke u shtrirë në të gjitha akset rrugore dhe si rezultat kanë konstatuar dhe arrestuar shtetasit :

R, 38 vjeç, banues në Dibër, duke drejtuar në gjendje të dehur në masën 0.89mg/l, automjetin tip ?Volksëgen?.

Sh. T, 39 vjeç, banues në Dibër, duke drejtuar në gjendje të dehur në masën 0.97 mg/l, automjetin tip ?Mercedez Benz?.

Si dhe ka filluar procedimi penal në gjendje të lirë për shtetasin F.M, 21 vjeç, banues në Dibër, pasi është konstatuar duke drejtuar pa leje drejtimi dhe pa targa motorçikletën e tij. Neni 291 i Kodit Penal.

Gjithashtu nga Policia Rrugore janë vendosur 50 masa administrative për shkelje të ndryshme të Kodit Rrugor, si dhe janë sekuestruar 4 automjete dhe një motorçikletë.

Materialet hetimore në ngarkim të shtetasve të lartë përmendur do ti referohen Prokurorisë pranë Gjykatës së Rrethit Gjyqësor Dibër për hetime të mëtejshme.

Policia e Drejtorisë Vendore Dibër do të vijojë të punojë dhe godasë me të njëjtin instensitet çdo rast të paligjshmërisë./CNA.al