web counter
LEXO PA REKLAMA!

SHKARKO APP

Regjisori jep alarmin/ Bashkia po zbraz Teatrin Kombëtar (Foto)

6 Gusht 2018, 07:52, Aktualitet CNA

Bashkia e Tiranës ka nisur aksionin për zbrasjen e Teatrit Kombëtar.

Ky fakt është bërë i ditur nga regjisori Kastriot Çipi, i cili përmes fotove të publikuara në rrjetet sociale sqaron se punonjësit e bashkisë kanë nisur të shkulin stolat pranë godinës së dy teatrove, si dhe posterat ndriçues të shfaqjeve.

?Filloi me heqjen e tabelës ndriçuese ?Eja në teatër?. Pastaj natën u hoqën posterat e shfaqjeve nga fasada e Teatrit Eksperimental në rrugën këmbësore. Dhe po natën, të njëjtët punëtorë të Bashkisë, hoqën një duzinë stola nga sheshi i Teatrit.

Këto veprime, në vend që të dekurajojnë qytetarët që vijnë çdo mbrëmje në protestë, na bëjnë të gjithëve të shtrojmë pyetjen: a nuk tregojnë këto shenja se procesi i ?negocimit? me Fusha shpk do të jetë thjesht një farsë??, shkruan regjisori.

Kujtojmë këtu se projektligji i miratuar nga qeveria për prishjen e godinës ekzistuese të Teatrit Kombëtar, nuk është dekretuar nga presidenti i vendit Ilir Meta.

Pas këtij vendimi të Metës klasa politike pati përplasje, ndërsa Meta u akuzua se ishte shfaqur i njëanshëm  me vendimin e tij. /CNA.al





Lajmet e fundit nga