E fundit!

18:19 Aktualitet

“E shite apo s’e shite vilën në Itali?”/ Balla shënjestron Shehajn: Mos e nxjerr Kadastra italiane që e ke ende

Kryetari i Grupit Parlamentar të Partisë Socialiste, Taula...

Vala e të nxehtit që na “torturon” të gjithëve u shkaktua nga “dora e njeriut”

30 Korrik 2018, 11:10, Lifestyle CNA

Ndryshimet klimatike të shkaktuara nga dora e njeriut bënë që vala e nxehtësisë që ka goditur aktualisht kontinentin europian, përfshirë edhe vendin tonë, të jetë dy here më e fuqishme nga sa parashikohej. Ky është përfundimi në të cilin kanë arritur shkencëtarët, pasi krahasuan temperaturat aktuale me të dhënat historike të shtatë stacioneve metereologjike, në pjesë të ndryshme të Europës.

Sipas “BBC”, Raporti i tyre paraprak zbuloi se vala e të nxehtit që ka goditur kontinentitn këtë verë është fuqizuar për shkak të ndryshimeve klimatike. I nxehti që aktuale që ka pushtuar Europën ka ngritur shumë pyetje rreth ndikimit të ngrohjes globale në fatkeqësitë natyrore. Për të vërtetuar nëse ka ndonjë lidhje mes tyre, studiuesit kanë krahauar të dhënat nga shtatë stacione meterologjike në Finlandë, Danimarkë, Irlandë, Holandë, Norvegji dhe Suedi.

Ata zbuluan se në stacionet e motit në Holandë, Irlandë dhe Danimarkë, ndryshimet klimaterike kanë dyfishuar mundësitë për t?u prekur nga një valë nxehtësie. Hulumtuesit janë fokusuar tek tre ditët me të nxehta që janë regjistruar këtë vit.

Kjo i ka lejuar ata të krahasojnë të dhënat e shtatë vendeve të ndryshme gjatë 100 viteve të fundit apo më shumë, duke vërtetuar se valët e nxehtësisë po bëhen gjithnjë e më të zakonshme.

Studiuesit thonë gjithashtu se tri ditët më të nxehta të këtij viti mund të mos kenë ardhur ende dhe besojnë se javën e ardhshme do të jetë edhe më ngrohtë.

Studiuesit argumentojnë se vala e nxehtësisë ka ardhur si pasojë e ndryshimeve klimaterike, të shkaktuara nga dora e njeriut. Ata kanë arritur të zbulojnë sa shpesh janë regjistruar të tilla temperatura ekstreme në secilin prej stacioneve të motit.

Sipas shkencëtarëve, vala e nxehtësisë ka qenë e lidhur me zjarret e mëdha të pyjeve në Suedi, duke argumentur se ngjarjet e të tilla ekstreme kanë më shumë gjasa të ndodhin nën ndikimin e ndryshimeve klimatike.

Ata theksojne se bota po bëhet gjithnjë e më e ngrohtë dhe kështu valët e nxehtësisë po bëhen më të zakonshme. Ai që dikur konsiderohej si një mot jashtëzakonisht i ngrohtë, është bërë tanimë i zakonshëm.